ഇടുക്കി : സാമൂഹ്യ പ്രശ്‌നങ്ങൾ നേരിടുന്ന മിശ്രവിവാഹ ദമ്പതികൾക്ക് സുരക്ഷിതമായി താമസിക്കുന്നതിന് സാമൂഹ്യനീതി വകുപ്പ് എല്ലാ ജില്ലകളിലും സെയ്ഫ് ഹോമുകൾ ആരംഭിക്കുന്നു. ഒരു ഹോമിൽ പരമവാധി 10 ദമ്പതികൾക്ക് ഒരേ സമയം താമസ സൗകര്യം ഒരുക്കാൻ കഴിയുന്ന സന്നദ്ധ സംഘടനകളിൽ നിന്നും വിശദമായ പ്രൊപ്പോസൽ ക്ഷണിച്ചു. താമസ കാലയളവിൽ ദമ്പതികൾക്ക് ഭക്ഷണം ഉൾപ്പെടെയുള്ള അടിസ്ഥാനസൗകര്യങ്ങൾ ലഭ്യമാക്കണം. താൽപ്പര്യമുള്ളവർ ജില്ലാ സാമൂഹ്യനീതി ഓഫീസുകളിൽ മാർച്ച് 20ന് മുമ്പായി വിശദമായ പ്രൊപ്പോസലുകൾ സമർപ്പിക്കണം. എൻ.ജി.ഒകൾ പ്രൊപ്പോസൽ നൽകിയിട്ടുണ്ടെങ്കിൽ വീണ്ടും നൽകേണ്ടതില്ല. കൂടുതൽ വിവരങ്ങൾക്ക് ബന്ധപ്പെട്ട ജില്ലാ സാമൂഹ്യനീതി ഓഫീസുകളിലോ, സാമൂഹ്യനീതി ഡയറക്ടറേറ്റ്, അഞ്ചാംനില, വികാസ് ഭവൻ, തിരുവനന്തപുരം എന്ന വിലാസത്തിലോ ബന്ധപ്പെടണം. ഫോൺ 0471 2306040.