ഇടുക്കി : ജില്ലയിലുണ്ടാകുന്ന ചെറു ഭൂചലനങ്ങളുടെ വെളിച്ചത്തിൽ ഇത് സംബന്ധിച്ച് അടിയന്തര പഠനം നടത്താനും പുതിയ സീസ്‌മോ മീറ്ററുകൾ മൂന്ന് സ്ഥലങ്ങളിൽ സ്ഥാപിക്കുന്നതിനുമായി നാഷണൽ സെന്റർ ഫോർ സീസ്‌മോളജി (ഡൽഹി) യിൽ നിന്നുള്ള ശാസ്ത്രജ്ഞർ ജില്ലയിലെത്തി. 25 വരെ ജില്ലയിൽ സന്ദർശനം നടത്തും. നാഷണൽ സെന്റർ ഫോർ സീസ്‌മോളജിയിൽ നിന്നുള്ള രണ്ട് ശാസ്ത്രജ്ഞരും സംസ്ഥാന ദുരന്ത നിവാരണ അതോറിറ്റിയിൽ നിന്നുള്ള ഒരു ശാസ്ത്രജ്ഞനുമാണ് സംഘത്തിലുള്ളത്.