കട്ടപ്പന: മാർക്കറ്റിൽ നിത്യ മാർഗനിർദേശങ്ങൾ വാങ്ങാൻ വരുന്ന ഉപഭോക്താക്കൾ സംയമനം പാലിക്കണമെന്ന് മുനിസിപ്പൽ ചെയർമാൻ ജോയി വെട്ടിക്കുഴി അറിയിച്ചു. എല്ലാ ദിവസും രാവിലെ ഏഴുമുതൽ വൈകിട്ട് അഞ്ചുവരെ നിത്യോപയോഗ സാധനങ്ങളും, മുന്നുകളും വിൽക്കുന്ന കടകൾ തുറന്നു പ്രവർത്തിക്കും. അനാവശ്യ തിരക്ക് സൃഷ്ടിച്ചാൽ ജാഗത്രാ പ്രവർത്തനങ്ങൾ വിഫലമാകും, കച്ചവടക്കാർ സമയക്രമം പാലിക്കുന്നുവെന്ന് ഉറപ്പാക്കാൻ വ്യാപാരി വ്യവസായി ഏകോപന സമിതി യൂണിറ്റ് കമ്മിറ്റി നടത്തുന്ന പ്രവർത്തനങ്ങൾ മാതൃകാപരമാണ്. നിത്യോപയോഗ സാധനങ്ങളുടെ ഗണത്തിൽപ്പെടാത്ത സാധനങ്ങൾ വിൽക്കുന്ന കച്ചവടക്കാർ കടകൾ തുറക്കുന്നത് നിർഭാഗ്യകരമാണ്.നിത്യോപയോഗസാധനങ്ങൾ വാങ്ങാൻ എത്തുന്ന ഉപഭോക്താക്കൾ നിശ്ചിത അകലത്തിൽ ക്യൂ നിന്ന് സാധനങ്ങൾ വാങ്ങിക്കുകയും വ്യാപാര സ്ഥാപനങ്ങളിൽ ക്രമീകരിച്ചിരിക്കുന്ന സോപ്പും വെളളവും അല്ലെങ്കിൽ സാനിട്ടൈസർ ഉപയോഗിക്കുന്നതിനും ശ്രദ്ധിക്കണമെന്ന് ചെയർമാൻ അറിയിച്ചു.