ഇടുക്കി: തോട്ടം തൊഴിലാളികൾക്ക് സംരക്ഷണം ഉറപ്പാക്കാൻ പ്ലാന്റേഷൻസ് ചീഫ് ഇൻസ്‌പെക്ടർ ആർ. പ്രമോദ് പ്ലാന്റേഷൻ ഇൻസ്‌പെക്ടർമാർക്ക് നിർദേശം നൽകി. തോട്ടങ്ങൾ അടച്ചതിനാൽ തൊഴിലാളികൾ പട്ടിണിയിലാകുന്ന അവസ്ഥ ഉണ്ടാകാതിരിയ്ക്കാൻ ബന്ധപ്പെട്ട പ്ലാന്റേഷൻ ഇൻസ്‌പെക്ടർമാർ ശ്രദ്ധിക്കണം. അടച്ചിട്ടിരിക്കുന്ന തോട്ടങ്ങളിൽ തൊഴിലാളികൾക്ക് മുടക്കം കൂടാതെ ചെലവു തുക നൽകാൻ എല്ലാ തോട്ടം ഉടമകൾക്കും പ്ലാന്റേഷൻ ഇൻസ്‌പെക്ടർമാർ നിർദ്ദേശം നൽകണം. തൊഴിലാളികൾക്ക് അവശ്യം വേണ്ട ഭക്ഷ്യവസ്തുക്കളും ഉറപ്പു വരുത്താൻ തൊഴിലുടമകൾക്ക് നിർദ്ദേശം നൽകണമെന്നും ചീഫ് ഇൻസ്‌പെക്ടർ നിർദേശം നൽകി.