ഇടുക്കി : ജില്ലാ സപ്ലൈ ഓഫീസിൽ 24 മണിക്കൂർ കൺട്രോൾ റൂം ആരംഭിച്ചതായി ജില്ലാ സപ്ളേ ഓഫീസർ അറിയിച്ചു.. 29 ലോഡ് ഭക്ഷ്യധാന്യങ്ങൾ എടുത്തിട്ടുണ്ട്. ഏപ്രിൽ മാസത്തെ അഡ്വാൻസ് വാതിൽപ്പടിവിതരണം നടന്നുവരുന്നു. വിതരണസംബന്ധമായി നിലവിൽ പ്രശ്‌നങ്ങളൊന്നുമില്ല. താലൂക്കുകളിൽ താലൂക്ക് സപ്ലൈ ഓഫീസർമാരും റേഷനിംഗ് ഇൻസ്‌പെക്ടർമാരും പൊതുവിപണിയിലെ വിലനിലവാരം പരിശോധിക്കുന്നതിനും കരിഞ്ചന്ത, പൂഴ്തിത്തിവയ്പ് എന്നിവ തടയുന്നതിനുമായി 48 പരിശോധനകൾ നടത്തി തുടർനടപടികൾ സ്വീകരിച്ചു. നിലവിൽ പൊതുവിപണിയിൽ എല്ലാ അവശ്യസാധനങ്ങളും ലഭ്യമാണ്.
കൂടാതെ ജില്ലാ കളക്ടറുടെ നേതൃത്വത്തിൽ കളക്ടർ ചെയർമാനായി ജില്ലാതലസമിതി രൂപീകരിക്കുകയും ലീഗൽ മെട്രോളജി വകുപ്പുമായി ചേർന്ന് പൊതുവിപണിയിൽ പരിശോധന നടത്തുന്നതിന് തീരുമാനിക്കുകയും ചെയ്തു. കൂടുതൽ വിവരങ്ങൾക്ക് ഫോൺ 04862 232321