തൊടുപുഴ: കൊറോണ വൈറസ് പടരുന്ന സാഹചര്യത്തിൽ ജില്ലാ ആശുപത്രിയിലെ ഐസൊലേഷൻ വാർഡിൽ രോഗികളെയും മറ്റും പരിചരിക്കുന്ന ഡോക്ടർമാർക്കും നഴ്‌സുമാർക്കും മേശകളും അലമാരയും കസേരകളും തൊടുപുഴ മർച്ചൻസ് അസോസിയേഷൻ വിതരണം ചെയ്തു. അസോസിയേഷൻ പ്രസിഡന്റ് രാജു ടി.സി തരണിയിൽ ജില്ലാ മെഡിക്കൽ ഓഫീസർ ഇൻ ചാർജ് ഡോ. സുജ ജോസഫിന് കൈമാറി. തൊടുപുഴ മർച്ചന്റ്സ് അസോസിയേഷൻ ജനറൽ സെക്രട്ടറി നാസർ സൈര, വൈസ് പ്രസിഡന്റുമാരായ സാലി എസ്. മുഹമ്മദ്, ടോമി സെബാസ്റ്റ്യൻ, സെക്രട്ടറി ഷെരീഫ് സർഗം, യൂത്ത്‌വിംഗ് പ്രസിഡന്റ് താജു എം.ബി, യൂത്ത്‌വിംഗ് ജനറൽ സെക്രട്ടറി രമേഷ് പി.കെ എന്നിവർ പങ്കെടുത്തു.