കാസർകോട്: അഞ്ചുലക്ഷത്തോളം രൂപയുടെ അനധികൃത സ്വർണവുമായി കാസർകോട് വിദ്യാനഗർ സ്വദേശി മംഗളൂരു വിമാനത്താവളത്തിൽ പിടിയിലായി. വിദ്യാനഗർ ചാലയിലെ മുഹമ്മദ് റാഫിയെ(27)യാണ് കസ്റ്റംസ് അധികൃതർ പിടികൂടിയത്. ദുബായിൽ നിന്ന് എയർ ഇന്ത്യാ എക്‌സ്‌പ്രസിലാണ് മുഹമ്മദ് റാഫി മംഗളൂരു വിമാനത്താവളത്തിൽ എത്തിയത്. കസ്റ്റംസ് പരിശോധന നടത്തിയപ്പോൾ റാഫിയിൽ നിന്ന് പെർഫ്യൂം ബോട്ടിലിനുള്ളിൽ സൂക്ഷിച്ചനിലയിൽ സ്വർണം കണ്ടെത്തുകയായിരുന്നു.