കാഞ്ഞങ്ങാട്: കൊറോണ വൈറസ് വ്യാപനത്തെ തുടർന്ന് ബ്ലഡ് ബാങ്കുകളിൽ രക്ത ക്ഷാമം നേരിടുന്നത് തടയാൻ യൂത്ത് കോൺഗ്രസ് സംസ്ഥാന കമ്മിറ്റിയുടെ ആഹ്വാനപ്രകാരം യൂത്ത് കോൺഗ്രസ് തൃക്കരിപ്പൂർ, കാഞ്ഞങ്ങാട് നിയോജക മണ്ഡലം കമ്മിറ്റികളുടെ ആഭിമുഖ്യത്തിൽ പ്രവർത്തകർ ജില്ലാ ആശുപത്രിയിൽ രക്തദാനം നടത്തി. യൂത്ത് കോൺഗ്രസ് സംസ്ഥാന സെക്രട്ടറി നോയൽ ടോമിൻ ജോസഫ്, തൃക്കരിപ്പൂർ ബ്ലോക്ക് പ്രസിഡന്റ് സോണി പൊടിമറ്റം, കാഞ്ഞങ്ങാട് ബ്ലോക്ക് പ്രസിഡന്റ് സന്തു ടോം ജോസഫ്, മനാഫ് നുള്ളിപ്പാടി, നിഷാന്ത് കല്ലിങ്കാൽ, വി.വി സുഹാസ്, ശിവപ്രസാദ് അറുവാട്ട്, സത്യനാഥൻ, രാജേഷ് തമ്പാൻ, നിധീഷ് കടയങ്ങാൻ, ലിജിന രതീഷ്, ശ്രീകാന്ത്, സനീഷ് ഇരിയ, കൃഷ്ണലാൽ എന്നിവർ നേതൃത്വം നൽകി.