വിട്‌ള: ലൈംഗിക പീഡനത്തിനിരയായ പെൺകുട്ടി തളർന്നു വീണ് ആശുപത്രിയിലായി. വിട്‌ള സ്വദേശിനിയായ പ്രായപൂർത്തിയാകാത്ത പെൺകുട്ടിയാണ് മംഗളൂരു ആശുപത്രിയിൽ ചികിത്സയിൽ കഴിയുന്നത്. അച്ഛൻ തന്നെ മൂന്നു വർഷക്കാലമായി ലൈംഗികമായി പീഡിപ്പിച്ചു വരികയാണെന്ന് പെൺകുട്ടി ഡോക്ടറോട് വെളിപ്പെടുത്തി. ഡോക്ടർ നൽകിയ വിവരത്തെ തുടർന്ന് പൊലീസെത്തി പെൺകുട്ടിയുടെ മൊഴിയെടുത്തു. ശിശുക്ഷേമ സമിതിയും പെൺകുട്ടിയിൽ നിന്ന് വിവരങ്ങൾ ആരാഞ്ഞു. പോക്‌സോ നിയമപ്രകാരം കേസെടുത്ത പൊലീസ് പ്രതിയായ അച്ഛനെ പിന്നീട് പിടികൂടുകയായിരുന്നു.