ഫറോക്ക്: കാഴ്ച അന്യമാണെങ്കിലും കൊളത്തറ ഹയർ സെക്കൻഡറി വികലാംഗ വിദ്യായത്തിലെ വിദ്യാർത്ഥികൾ ഉൾക്കാഴ്ചയുടെ വെളിച്ചത്തിൽ ഒട്ടിച്ചെടുത്തത് രണ്ടായിരത്തിയഞ്ഞൂറിൽ പരം മെഡിസിൻ കവറുകൾ. ഇത് സമീപത്തെ പ്രാഥമികാരോഗ്യ കേന്ദ്രത്തിനു കൈമാറി.
അദ്ധ്യാപകർ വെട്ടി നൽകിയ കടലാസുകൾ ഒഴിവ് സമയത്താണ് മരുന്നു കവറുകളാക്കി കുട്ടികൾ ഒട്ടിച്ചെടുക്കുന്നത്. ഇത് പിന്നീട് കുണ്ടായിത്തോട് പ്രാഥമിക ആരോഗ്യ കേന്ദ്രത്തിനു കൈമാറി . ആശുപത്രിയിൽ നടന്ന ചടങ്ങ് കവി അജ്മൽ കക്കോവ് ഉദ്ഘാടനം ചെയ്തു. ആശുപത്രി മെഡിക്കൽ ഓഫീസർ ഡോ.എസ്.കെ. ദീപക് അദ്ധ്യക്ഷനായിരുന്നു. സ്കൂൾ എൻ.എസ്.എസ്. പദ്ധതി ഓഫീസർ പി.എം.റഷീദ, സ്റ്റാഫ് സെക്രട്ടറി ഫജറുൽ സാദിഖ് എന്നിവർ സംസാരിച്ചു. ജെ.എച്ച്.ഐ.മാരായ കെ.പി. റിയാസ്, ആർ.സന്തോഷ് കുമാർ, ഫാർമസിസ്റ്റ് പി. നിമിഷ തുടങ്ങിയവർ സംബന്ധിച്ചു.