കൽപ്പറ്റ: സംസ്ഥാനത്ത് വീണ്ടും കൊറോണ വൈറസ് ബാധ സ്ഥിരീകരിച്ച സാഹചര്യത്തിൽ ജില്ലയിലും മുൻകരുതലുകൾ സ്വീകരിച്ചിട്ടുണ്ടെന്ന് ജില്ലാ കളക്ടർ ഡോ. അദീല അബ്ദുളള അറിയിച്ചു. കൊറോണ വൈറസ് ബാധയുമായി ബന്ധപ്പെട്ട് സമൂഹ മാധ്യമങ്ങളിലൂടെയോ അല്ലാതെയോ അനാവശ്യ പരിഭ്രാന്തി സൃഷ്ടിക്കരുത്. നിലവിൽ ആശങ്കപ്പെടേണ്ട സാഹചര്യമില്ല.

ജില്ലയിലെ റിസോർട്ട്, ഹോം സ്റ്റേ, ഹോട്ടൽ, സർവീസ് വില്ല എന്നിവിടങ്ങളിൽ താമസിക്കുന്ന വിദേശ സഞ്ചാരികളുടെ വിവരങ്ങൾ അധികൃതരെ അറിയിക്കണം. പ്രത്യേകിച്ച് ചൈന, ഹോംകോങ്, തായ്ലാന്റ്, സിംഗപ്പൂർ, ജപ്പാൻ സൗത്ത് കൊറിയ, വിയറ്റ്നാം, ഇന്തോനേഷ്യ, നേപ്പാൾ, മലേഷ്യ, ഇറ്റലി, ഇറാൻ എന്നിവിടങ്ങളിൽ നിന്നുള്ള സഞ്ചാരികളുടെ വിവരങ്ങൾ സ്ഥാപനങ്ങളിൽ ചെക്ക് ഇൻ ചെയ്ത ഉടൻതന്നെ 1056, 04712552056, 04936202134, 94460 12134, 04936206 606, 206 605 എന്നീ നമ്പറുകളിലും mailinfo@dtpcwayanad.com ലും അറിയിക്കണം. തൊട്ടടുത്തുളള ആരോഗ്യ കേന്ദ്രങ്ങളിലും വിവരങ്ങൾ അറിയിക്കാം. ആശങ്കകൾ ഒഴിവാക്കി നിർദ്ദേശങ്ങൾ കർശനമായി പാലിക്കണമെന്ന് ജില്ലാ കളക്ടർ അറിയിച്ചു.