കൽപ്പറ്റ: ഇന്നലെ 59 ആളുകൾ കൂടി നിരീക്ഷണത്തിൽ ആയതോടെ ജില്ലയിലാകെ നിരീക്ഷണത്തിൽ കഴി​യുന്നവരുടെ എണ്ണം 1515 ആയി​. കഴിഞ്ഞ ദിവസം ആശുപത്രിയിൽ നിരീക്ഷണത്തിലായ 3 പേരുൾപ്പെടെയാണിത്.

ഇതുവരെ ജില്ലയിൽ നിന്ന് പരിശോധനയ്ക്കായി അയച്ച 43 സാമ്പിളുകളിൽ 30 ഫലങ്ങൾ നെഗറ്റീവ് ആണ്. ഇന്നലെ അയച്ച 10 സാമ്പിളുകൾ ഉൾപ്പെടെ 13 സാമ്പിളുകളുടെ പരിശോധനാ ഫലം ലഭിക്കാനുണ്ട്.

ജില്ലയിലേക്ക് വരുന്ന എല്ലാ വാഹനങ്ങളും 10 അന്തർസംസ്ഥാന ചെക്ക് പോസ്റ്റുകളിലും 4 അന്തർജില്ലാ ചെക്ക് പോസ്റ്റുകളിലുമായി പരിശോധിക്കുന്നുണ്ട്. ചൊവ്വാഴ്ച്ച ജില്ലയിൽ 14 ചെക്ക്‌പോസ്റ്റുകളിൽ 685 വാഹനങ്ങളിലായി എത്തിയ 1096 യാത്രക്കാരെ സ്‌ക്രീനിങ്ങിന് വിധേയമാക്കി. ആർക്കും രോഗലക്ഷണങ്ങൾ കണ്ടെത്തിയിട്ടില്ല.