വടകര: ലോക്ക് ഡൗണും നി​രോധനാജ്ഞയും കൂടുതൽ കാര്യക്ഷമമാക്കാൻ ഡ്രോൺ കാമറകളുമായി കോഴിക്കോട് റൂറൽ പൊലീസിന്റെ നിരീക്ഷണം. ആളുകൾ കൂട്ടം കൂടുന്നത് നിരീക്ഷിക്കാനും വ്യാജവാറ്റുകേന്ദ്രങ്ങൾ കണ്ടെത്തുന്നതിനും മറ്റുമായാണിത്. 500 മീറ്റർ വരെ ഉയരത്തിലെത്തുന്ന ഡ്രോൺ ഒരു കി​ലോമീറ്റർ ചുറ്റളവിലുള്ള ദൃശ്യങ്ങൾ പകർത്തുന്നുണ്ട്.

റൂറൽ എസ്.പി ഡോ.എ.ശ്രീനിവാസിന്റെ നിർദ്ദേശപ്രകാരം വടകര പൊലീസ് സ്റ്റേഷൻ പരിധിയിലാണ് ഇപ്പോൾ ഡ്രോൺ നിരീക്ഷണം. പേരാമ്പ്ര സ്വദേശികളായ ബിനു, അർജുൻ എന്നിവരാണ് ഓപ്പറേറ്റർമാർ. വടകര എസ്.എച്ച്.ഒ പി​.എസ്.ഹരീഷ്, എസ്.എെമാരായ ഷറഫുദീൻ, സന്തോഷ് മോൻ, ഫറോസ്, പി​.ആർ.ഒ സുനിൽകുമാർ, ജനമൈത്രി ബീറ്റ് ഓഫീസർ സജിത്ത് എന്നിവർ നിരീക്ഷണ സംഘത്തിലുണ്ട്.