കോട്ടയം: ലണ്ടൻ മലയാള സാഹിത്യവേദിയുടെ പത്താം വാ‌ർഷികാഘോഷത്തിന്റെ ഭാഗമായി സംഘടിപ്പിച്ച 'പുരസ്കാരസന്ധ്യ 2020' കോട്ടയം ഹോട്ടൽ അർക്കാ‌ഡിയയിൽ നടന്നു. വിവിധ മേഖലകളിൽ തിളക്കമാർന്ന സംഭാവനകൾ നൽകിയ പ്രമുഖ വ്യക്തിത്വങ്ങളെ പുരസ്കാരം നൽകി ആദരിച്ചു.

ലണ്ടൻ മലയാള സാഹിത്യവേദിയുടെ ജനറൽ കോർഡിനേറ്റർ റജി നന്തികാട്ട് അധ്യക്ഷത വഹിച്ച ചടങ്ങിൽ തിരുവഞ്ചൂർ രാധാകൃഷ്ണൻ എം. എൽ എ ഉദ്ഘാടനവും പുരസ്കാര സമർപ്പണവും നടത്തി. ഡോ. പോൾ മണലിൽ മുഖ്യപ്രഭാഷണം നടത്തി. ഡോ. ശ്രീവിദ്യ രാജീവും ജഗദീഷ് കരിമുളക്കലും കവിതകൾ ചൊല്ലി. ലണ്ടൻ മലയാള സാഹിത്യവേദി കോ- ഓർഡിനേറ്റർ സി. എ. ജോസഫ് സ്വാഗതവും പുരസ്കാര സന്ധ്യയുടെ കോ- ഓർഡിനേറ്റർ സന്തോഷ് നന്തികാട്ട് നന്ദിയും പറഞ്ഞു. തോമസ് ചാഴികാടൻ എം.പി പത്തിന പരിപാടി ഉദ്ഘാടനം ചെയ്തു.

കിളിരൂർ രാധാകൃഷ്ണൻ, കെ.എ. ഫ്രാൻസിസ്, കാരൂർ സോമൻ, മാത്യു നെല്ലിക്കുന്ന്, ജോസ് പുതുശേരി എന്നിവരെ പുരസ്കാരങ്ങൾ നൽകി ആദരിച്ചു.