തലയോലപ്പറമ്പ് :എസ്.എൻ.ഡി.പി യോഗം കെ.ആർ.എൻ.എസ് യൂണിയൻ വനിതാസംഘത്തിന്റെ നേതൃത്വത്തിൽ നടത്തിയ വനിതാദിനാചരണം യൂണിയൻ സെക്രട്ടറി എസ്.ഡി.സുരേഷ് ബാബു ഉദ്ഘാടനം ചെയ്തു. വനിതാസംഘം പ്രസിഡന്റ് ജയ അനിൽ അദ്ധ്യക്ഷത വഹിച്ചു. യൂണിയൻ പ്രസിഡന്റ് ഇ.ഡി.പ്രകാശൻ വനിതാദിന സന്ദേശം നൽകി. കേന്ദ്രസമിതി അംഗം സുലഭ സജീവ് മുഖ്യാതിഥി ആയിരുന്നു. ജനമൈത്രി പൊലീസ് കൗൺസിലർ ജി.തുളസി 'അമ്മമാരും പെൺമക്കളും" എന്ന വിഷയത്തിൽ പ്രഭാഷണം നടത്തി. മഞ്ജു സജി, ഗിരിജാ കമൽ, സലിജ അനിൽ, ശ്രീകല വി.ആർ, മായാ ജയകുമാർ, വത്സ മോഹനൻ, രാജിദേവരാജൻ, ആശ അനീഷ്, ഓമന രാമകൃഷ്ണൻ, സുനിത അജിത്, കെ.എസ്.അജീഷ്‌കുമാർ, മജീഷ ബിനു തുടങ്ങിയവർ പ്രസംഗിച്ചു. വനിതാസംഘം സെക്രട്ടറി ധന്യ പുരുഷോത്തമൻ സ്വാഗതവും, വൈസ് പ്രസിഡന്റ് ബീന പ്രകാശ് നന്ദിയും പറഞ്ഞു.