തലയോലപ്പറമ്പ്: പഞ്ചായത്തിന്റെ വിവിധ പ്രദേശങ്ങളിൽ സി.സി.ടിവി കാമറ സ്ഥാപിക്കുന്ന ജോലികൾക്ക് തുടക്കമായി. ഇതിന്റെ ആദ്യപടിയായി തലപ്പാറ ജംഗ്ഷൻ, പള്ളിക്കവല ഏ.ജെ ജോൺ ജംഗ്ഷൻ, പഞ്ചായത്ത് ജംഗ്ഷൻ, മാർക്ക​റ്റ്, ബസ് സ്​റ്റാൻഡ് എന്നിവിടങ്ങളിൽ നിരീക്ഷണത്തിനായി പഞ്ചായത്ത് ഫണ്ടിൽ നിന്നും 2.5 ലക്ഷം രൂപ ചെലവിൽ 8 കാമറകളാണ് സ്ഥാപിക്കുന്നത്. നാല് റോഡുകൾ സംഗമിക്കുന്ന പള്ളിക്കവലയിൽ റൊട്ടേഷൻ കാമറയാണ് സ്ഥാപിക്കുന്നത്. കൂടുതൽ കാമറ സ്ഥാപിക്കാൻ ശേഷിയുള്ള വിധം സിസ്​റ്റം ആണ് ഇതിനായി ഉപയോഗിക്കുന്നത്. അടുത്ത ഘട്ടത്തിൽ പഞ്ചായത്തിലെ മ​റ്റ് പ്രധാനപ്പെട്ട സ്ഥലങ്ങളിലും നിരീക്ഷണ കാമറ സ്ഥാപിക്കുന്നതിനും തീരുമാനമായി. തലയോലപ്പറമ്പ് പൊലീസ് സ്​റ്റേഷനിലാണ് ഇതിന്റെ കൺട്രോൾ റൂം പ്രവർത്തിക്കുന്നത്. സമീപകാലത്ത് പഞ്ചായത്തിന്റെ വിവിധ പ്രദേശങ്ങളിൽ മോഷ്ടാക്കളുടെ ശല്യം, കഞ്ചാവ് മാഫിയകൾ, അപകടത്തിൽ പെടുന്ന വാഹനം നിറുത്താതെ പോകുന്നത്, മാലിന്യ നിക്ഷേപം, തുടങ്ങിയ കു​റ്റകൃത്യം കൂടിയ സാഹചര്യത്തിലാണ് കാമറ സ്ഥാപിക്കാനുള്ള തീരുമാനം പഞ്ചായത്ത് എടുത്തത്. ഈ മാസം അവസാന വാരത്തോടെ ഉദ്ഘാടനം നടത്താൻ സാധിക്കുമെന്ന പ്രതീക്ഷയിലാണ് പഞ്ചായത്ത് അധികൃതർ.