വൈക്കം : റേഷൻ കടകളിൽ കെട്ടിക്കിടക്കുന്ന ആട്ട വിതരണം ചെയ്യുന്നതിന് ബന്ധപ്പെട്ട അധികൃതർ ഉടൻ നടപടി സ്വീകരിക്കണമെന്ന് ഓൾ കേരളാ റീട്ടേയിൽ റേഷൻ ഡീലേഴ്‌സ് അസോസ്സിയേഷൻ താലൂക്ക് പ്രസിഡന്റ് ഐ.ജോർജുകുട്ടി,സെക്രട്ടറി കെ.ഡി വിജയൻ എന്നിവർ ആവശ്യപ്പെട്ടു. താലൂക്കിലെ റേഷൻ കടകളിൽ കൂടുതൽ ആട്ട സ്​റ്റോക്ക് ഉണ്ടായിട്ടും വിതരണം ചെയ്യാൻ സാധിക്കാത്തത് മൂലം കെട്ടിക്കിടക്കുന്നു. നിലവിൽ കാർഡ് ഉടമൾക്ക് 2 കിലോ ആട്ട മാത്രമെ വിതരണം ചെയ്യാൻ അധികൃതരുടെ അനുവാദമുള്ളൂ.ആട്ട കൂടുതൽ ഉണ്ടായിട്ടും വിതരണം ചെയ്യുവാനുള്ള ക്രമീകരണം ഉടൻ ഏർപ്പെടുത്തിയില്ലെങ്കിൽ ഇവ ഉപയോഗശൂന്യമാകാനുള്ള സാദ്ധ്യത ഏറെയാണെന്ന് വ്യാപാരികൾ പറയുന്നു.