നെടുംകുന്നം : സഞ്ചീവനി - പൊങ്ങൻപാറകുളങ്ങര റോഡ് തകർന്ന് തരിപ്പണമായിട്ടും അധികൃതർ കണ്ടഭാവം നടിക്കുന്നില്ല. പഞ്ചായത്തിലെ 11, 12 വാർഡുകളിലൂടെ കടന്നു പോകുന്ന പ്രധാന റോഡാണിത്. സഞ്ചീവനി-പൊങ്ങൻപാറകുളങ്ങര റോഡ്, ചേലക്കൊമ്പ്-കാവനാൽക്കടവ് റോഡിനെയും, പുന്നവേലി-നെടുംകുന്നം റോഡിനെയും ബന്ധിപ്പിക്കുന്ന എളുപ്പവഴിയാണിത്. ഒന്നര കിലോമീറ്ററോളം ദൂരമുള്ള റോഡ് കാലപ്പഴക്കത്താൽ ടാറിംഗ് തകർന്ന് കല്ലും മണ്ണും നിറഞ്ഞു കിടക്കുകയാണ്. കാൽനടയാത്ര പോലും അസാദ്ധ്യമായി. റോഡ് പുനർനിർമ്മിക്കണമെന്നാവശ്യപ്പെട്ട് നിരവധി തവണ അധികൃതരെ സമീപിച്ചെന്ന് നാട്ടുകാർ പറഞ്ഞു.

ഇരുചക്രവാഹനങ്ങൾ അപകടത്തിൽപ്പെടുന്നു

ഓടകളില്ലാത്തതിനാൽ മഴ വെള്ളം കെട്ടിക്കിടക്കും