പാലാ: മുഴുവൻ പൊലീസുകാർക്കും മാസ്‌ക് വിതരണം ചെയ്തു. എഴുപതോളം മാസ്‌കുകളാണ് വിതരണം ചെയ്തത്. പാലാ സി.ഐ. വി.എ. സുരേഷ് വിതരണോദ്ഘാടനം നിർവഹിച്ചു. കൊറോണ ആശങ്ക നിലനിൽക്കുന്ന സാഹചര്യത്തിൽ പൊലീസ് കൂടുതൽ ജാഗ്രതയോടെ പ്രവർത്തിക്കുമെന്ന് പാലാ ഡിവൈ. എസ്. പി. ഷാജിമോൻ ജോസഫ് അറിയിച്ചു. അടിയന്തിര ഘട്ടങ്ങളിൽ സഹായത്തിനായി പൊതുജനങ്ങൾക്ക് അതാതു സ്ഥലത്തെ പൊലീസ് സ്റ്റേഷനുകളിൽ ബന്ധപ്പെടാം. 24 മണിക്കൂറും പൊലീസ് ഉണർന്നു പ്രവർത്തിക്കുമെന്നും ഡിവൈ.എസ്. പി. അറിയിച്ചു.