ചങ്ങനാശേരി: ചങ്ങനാശേരി അഗ്‌നിശമനസേനയുടെ നേതൃത്വത്തിൽ നഗരത്തിൽ ഇന്നലെയും ശുചീകരണ പ്രവർത്തനങ്ങൾ നടന്നു. കെ.എസ്.ആർ.ടി.സി ബസുകളും റവന്യു ടവറും വൃത്തിയാക്കി. വരും ദിവസങ്ങളിലും ശുചീകരണപ്രവർത്തനങ്ങൾ തുടരുമെന്ന് സ്റ്റേഷൻ ഓഫീസർ സുനിൽ ജോസഫ് പറഞ്ഞു. ഇന്ന് ചങ്ങനാശേരി റെയിൽവേ സ്റ്റേഷൻ ശുചീകരിക്കും. സ്റ്റേഷൻ ഓഫീസർ സുനിൽ ജോസഫിന്റെ നേതൃത്വത്തിൽ റെസ്‌ക്യു ഓഫീസർമാരായ മനോജ് കുമാർ, കെ.എൻ. സുരേഷ്, നോബി വർഗീസ്, നൗഫൽ, ഷുഹൈബ്, ഫ്രാൻസിസ് ജോസഫ്, സിവിൽ ഡിഫൻസ് വോളന്റിയേഴ്‌സായ തോമസ് മാത്യു, ജി.അനിൽകുമാർ, നിഹാൽ നസീർ, സബിൻ ജോസഫ്,എബു വർഗീസ് എന്നിവരാണ് ശുചീകരണ പ്രവർത്തനങ്ങൾക്ക് നേതൃത്വം നൽകിയത്.