176 രൂപയ്ക്ക് ദുബായിൽ നിന്നും പറക്കാം. ദർഹം കണക്കിൽ ഒന്പത് ദർഹത്തിനാണ് ഫ്ളെെറ്റിന്റെ നിരക്ക്. ടർക്കിഷ് എയലെെൻസ് അനഡോലുജെറ്റാണ് ഈ അവസരമൊരുക്കുന്നത്. മാർച്ച് 29 മുതലാണ് സേവനം ലഭ്യമാവുക. എന്നാൽ ഇന്ന് മുതൽ മുൻകൂട്ടി ബുക്ക് ചെയ്യാം. പുതിയ അന്താരാഷ്ട്ര വിമാനങ്ങൾ ഇസ്താംബുൾ സാബിഹ ഗൊകീൻ,​ അങ്കാറ എസൻബോഗ വിമാനത്താവളങ്ങളിൽ നിന്ന് സർവീസ് ആരംഭിക്കും. ജർമ്മനി ,​ആസ്ട്രേലിയ,​ യുഎഇ,​ ബഹറിൻ, ​ഡെൻമാർക്ക്,​ ജോർജിയ,​ ഹോളണ്ട്, സ്പെയിൻ,​ കുവെെറ്റ്, റഷ്യ,​ സൗദി അറേബ്യ എന്നീ രാജ്യങ്ങളെയും ചേർത്ത് 21 രാജ്യങ്ങളിലേക്ക് സർവീസ് നടത്താനാണ് തീരുമാനം. അതേസമയം,​ ടിക്കറ്റുകൾ മടക്കി നൽകാനോ റദ്ദാക്കാനോ മാറ്റാനോ സാധിക്കില്ല.

ബാഗ്ദാദ്,​ എർബിൽ,​ തുർക്കി,​ എന്നിവിടങ്ങളിലേക്കുള്ള വിമാനങ്ങൾക്ക് ഒരു ഡോളർ നിരക്കിൽ വിൽക്കും. കുവെെറ്റിൽ നിന്നും ആരംഭിക്കുന്ന വിമാനത്തിന് ഒന്നും(കെ.ഡബ്ല്യു.ഡി)​ ദുബായിൽ നിന്ന് ഒമ്പത് ദർഹവും,​ ദമ്മാമിൽ നിന്ന് റിയാദിലേക്ക് 9(എസ്എആ‌ർ‌)​എന്നിങ്ങനെയായിരിക്കും. ബാക്കു,​ ബാഴ്സലോണ,​ബെർലിൻ,​ പാരിസ്,​ മിലാൻ,​ മോസ്കോ,​ റോം,​ ടിഫ്ലിസ്,​എന്നിവിടങ്ങളിൽ നിന്നുള്ള വിമാനങ്ങൾക്ക് ഒരു യൂറോയിൽ എന്ന കണക്കിന് നിരക്ക് ആരംഭിക്കും. അതേസമയം,​ ലണ്ടനിൽ നിന്നുള്ള വിമാനങ്ങളുടെ ടിക്കറ്റ് വില ഒരു ബ്രിട്ടീഷ് പൗണ്ടിലുമാണ്. എന്നാൽ,​ സീറ്റുകൾക്ക് പരിമിതിയുണ്ട്. ടിക്കറ്റുകളിലെ ഡിസ്കൗണ്ട് പ്രയോജനപ്പെടുത്താൻ ആഗ്രഹിക്കുന്ന യാത്രക്കാർക്ക് മാർച്ച് ഒന്നു മുതൽ എടുക്കുന്ന ടിക്കറ്റുകൾക്ക് ഇളവുണ്ട്.