എം.എൽ. എ മോഹിയായ രാഷ്ട്രീയക്കാരൻ ജയരാമന്റെ വേഷത്തി​ൽ അനൂപ് മേനോൻ എത്തുന്നു. രാകേഷ് ഗോപൻ സംവിധാനം ചെയ്യുന്ന ക്വിറ്റ് ഇന്ത്യ എന്ന ചിത്രത്തിലാണ് അനൂപ് മേനോന്റെ പുതി​യ വേഷപ്പകർച്ച. മറ്റൊരു രാഷ്ട്രീയക്കാരനായി​ കുഞ്ഞുമോൻ എന്ന കഥാപാത്രത്തെ ബൈജു സന്തോഷ് അവതരിപ്പിക്കുന്നു. പൂർണമായും പൊളി​റ്റി​ക്കൽ കോമഡി ചിത്രമാണ് ക്വിറ്റ് ഇന്ത്യയെന്ന് സംവിധായകൻ രാകേഷ് ഗോപൻ പറഞ്ഞു. മുരളി ഗോപി, രഞ്ജിത് എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.

നായികയെ തീരുമാനിച്ചിട്ടില്ല. ഷിബിൻ ഫ്രാൻസിസ് തിരക്കഥ ഒരുക്കുന്ന ചിത്രത്തിന്റെ ചിത്രീകരണം മാർച്ച് മദ്ധ്യത്തിൽ തിരുവനന്തപുരത്ത് ആരംഭിക്കും.സി. എ. എ, പാവാട, അണ്ടർവേൾഡ് എന്നീ ചിത്രങ്ങളുടെ തിരക്കഥാകൃത്താണ് ഷിബിൻ ഫ്രാൻസിസ്. മലർ സിനിമാസിന്റെ ബാനറിൽ വി.എസ് . സഞ്ജിത നിർമ്മിക്കുന്ന ക്വിറ്റ് ഇന്ത്യയുടെ ഛായാഗ്രഹണം അൻവർ ഷാ നിർവഹിക്കുന്നു.ഹരിനാരായണന്റെ ഗാനങ്ങൾക്ക് ബിജി ബാൽ സംഗീതം പകരുന്നു. ജയപ്പൂര്, കാലിഫോർണിയ എന്നിവിടങ്ങളും ലൊക്കേഷനുകളാണ്.