റിയാദ്: സൗദി അറേബ്യയിലും കൊറോണ (കൊവിഡ് 19)​ വൈറസ് ബാധ സ്ഥിരീകരിച്ചതായി അധികൃതർ.. ഇറാനിൽ എനിന്ന് ബഹ്റിൻ വഴി എത്തിയ ആൾക്കാണ് രോഗം സ്ഥിരീകരിച്ചത്. ഇതോടെ എല്ലാ ജി.സി.സി രാജ്യങ്ങളിലും കൊറോണ സ്ഥിരീകരിച്ചു.

വൈറസ് ബാധയെ നേരിടാൻ മുൻകരുതൽ എന്ന രീതിയിൽ സൗദിയിൽ 25 ആശുപത്രികൾ സജ്ജമാക്കിയിരുന്നു. ഈ ആശുപത്രികളിലെ ഐസൊലേഷൻ വാർഡുകളിൽ 2200 കിടക്കകൾ ഒരുക്കിയിട്ടുണ്ടെന്ന് ആരോഗ്യ മന്ത്രാലയ വ്യക്താവ് മുഹമ്മദ് അബ്ദുൽഅലി നേരത്തെ അറിയിച്ചിരുന്നു. ഏത് അടിയന്തിര ഘട്ടവും നേരിടാൻ സജ്ജമാണെന്നും അദ്ദേഹം വ്യക്തമാക്കി.