മ​നാ​മ: കൊറോണ​ വൈ​റ​സി​നെ രാ​ജ്യം അ​തി​ജീ​വി​ക്കു​മെ​ന്ന്​ രാ​ജാ​വ് ഹ​മ​ദ് ബി​ൻ ഈ​സ ആ​ൽ ഖ​ലീ​ഫ പ​റ​ഞ്ഞു. ഗു​ദൈ​ബി​യ പാ​ല​സി​ൽ ചേ​ർന്ന മ​ന്ത്രി​സ​ഭ യോ​ഗ​ത്തി​ൽ അ​ധ്യ​ക്ഷ​ത വ​ഹി​ച്ച് സം​സാ​രി​ക്കു​ക​യാ​യി​രു​ന്നു ആ​ൽ ഖ​ലീ​ഫ. ക​ഴി​ഞ്ഞ കാ​ല​ങ്ങ​ളി​ൽ രാ​ജ്യം അ​ഭി​മു​ഖീ​ക​രി​ച്ച പ്ര​തി​സ​ന്ധി​ക​ളെ ഒ​റ്റ​ക്കെ​ട്ടാ​യി നേ​രി​ട്ട ച​രി​ത്ര​മാ​ണ് ന​മു​ക്കു​ള്ള​ത്. കോ​വി​ഡ്​ വൈ​റ​സി​നെ​യും നാം ​നേ​രി​ടു​ക​യും അ​തി​ജ​യി​ക്കു​ക​യും ചെ​യ്യും. ലോ​കം മു​ഴു​വ​ൻ ഇ​ന്ന് കൊറോണ ഭീ​തി അ​ഭി​മു​ഖീ​ക​രി​ച്ചു കൊ​ണ്ടി​രി​ക്കു​ക​യാ​ണ്. രാജാവ് പറഞ്ഞു.

കൃ​ത്യ​മാ​യും ചി​ട്ട​യാ​യു​മു​ള്ള പ്ര​വർത്ത​ന​ങ്ങ​ളി​ലൂ​ടെ രാജ്യത്തിന് കൊറോണയെ അതിജീവിക്കാൻ സാ​ധി​ക്കു​മെ​ന്നും അ​ദ്ദേ​ഹം പറഞ്ഞു. കോ​വി​ഡ് പ്ര​തി​രോ​ധ പ്ര​വ​ർത്ത​ന​ങ്ങ​ളെ​ക്കു​റി​ച്ച് മ​ന്ത്രി​സ​ഭ​യി​ൽ ബ​ന്ധ​പ്പെ​ട്ട​വർ വി​ശ​ദീ​ക​രി​ച്ചു. കി​രീ​ടാ​വ​കാ​ശി​യും ഒ​ന്നാം ഉ​പ​പ്ര​ധാ​ന​മ​ന്ത്രി​യു​മാ​യ പ്രി​ൻസ് സൽമാ​ന്‍ ബി​ൻ ഹ​മ​ദ് ആൽ ഖ​ലീ​ഫ​യു​ടെ കീ​ഴി​ൽ രൂ​പ​വ​ത്ക​രി​ച്ച പ്ര​ത്യേ​ക ടീം ​കൊറോണ​ വൈ​റ​സ് പ്ര​തി​രോ​ധ​ പ്ര​വ​ർത്ത​ന​ങ്ങ​ളുടെ കാര്യത്തിൽ ന​ട​ത്തി​യ മു​ന്നേ​റ്റ​ത്തെ ഹ​മ​ദ്​ രാ​ജാ​വ്​ അ​ഭി​ന​ന്ദി​ച്ചു.

വി​വി​ധ മ​ന്ത്രാ​ല​യ​ങ്ങ​ൾ, അ​തോ​റി​റ്റി​കൾ, പൊ​തു-​സ്വ​കാ​ര്യ മേ​ഖ​ല സ്ഥാ​പ​ന​ങ്ങ​ൾ, പൊ​തു​ജ​ന​ങ്ങ​ൾ, കൂ​ട്ടാ​യ്മ​കൾ എ​ന്നി​വ​യു​ടെ സ​ഹ​ക​ര​ണ​ത്തോ​ടെ ന​ട​ത്തു​ന്ന പ്ര​വർത്ത​ന​ങ്ങ​ൾ പ്ര​തീ​ക്ഷ​യു​ണർത്തു​ന്ന​താ​ണ്. മാ​ന്യ​മാ​യ സം​സ്കാ​ര​മാ​ണ് രാ​ജ്യ​ത്തെ ഓ​രോ പൗ​ര​ന്മാ​രും കാ​ത്തു​സൂ​ക്ഷി​ക്കു​ന്ന​ത്. ബഹ്‌റൈനിന്റെ മ​ഹി​ത​മാ​യ പാ​ര​മ്പ​ര്യം ഒ​റ്റ കു​ടും​ബം​പോ​ലെ സ്നേ​ഹ​ത്തോ​ടെ​യും സാ​ഹോ​ദ​ര്യ​ത്തോ​ടെ​യും വർത്തി​ക്കു​ക​യെ​ന്ന​താ​ണ്. ക​ഴി​ഞ്ഞ കാ​ല​ങ്ങ​ളിൽ രാ​ജ്യം അ​ഭി​മു​ഖീ​ക​രി​ച്ച പ്ര​തി​സ​ന്ധി​ക​ളെ ഒ​റ്റ​ക്കെ​ട്ടാ​യി നേ​രി​ട്ട ച​രി​ത്ര​മാ​ണ് ന​മു​ക്കു​ള്ള​ത്. അദ്ദേഹം ചൂണ്ടിക്കാട്ടി.