ന്യൂഡൽഹി: ലോക വനിതാ ദിനമായ ഇന്ന് പ്രധാനമന്ത്രി നരേന്ദ്രമോദി തന്റെ സോഷ്യമീഡിയ അക്കൗണ്ടുകൾ ലോഗ് ഔട്ട് ചെയ്തതായി അറിയിച്ചു. ഏഴ് വനിതകൾക്കാണ് മോദി തന്റെ അക്കൗണ്ടുകൾ കെെമാറിയത്. ട്വീറ്റിലൂടെയാണ് പ്രധാനമന്ത്രി ഇക്കാര്യം അറിയിച്ചത്. അന്താരാഷ്ട്ര വനിതാ ദിനത്തിൽ ഏഴ് വനിതകൾ അവരുടെ ജീവിതയാത്രകൾ പങ്കുവയ്ക്കുമെന്നാണ് പ്രധാനമന്ത്രി ട്വീറ്റിൽ വ്യക്തമാക്കിയത്.
"എല്ലാവർക്കും വനിതാ ദിന ആശംസകൾ, നാരി ശക്തിയുടെ നേട്ടങ്ങളെ അഭിനന്ദിക്കുന്നു. കുറച്ചു ദിവസങ്ങൾക്ക് മുമ്പ് ഞാൻ പറഞ്ഞതുപോലെ സോഷ്യൽ മീഡിയ അക്കൗണ്ടുകൾ ലോഗ് ഔട്ട് ചെയ്യുന്നു. ഈ ദിവസം മുഴുവൻ ഏഴ് വനിതകൾ നിങ്ങളുമായി സംവദിക്കും. അവരുടെ ജീവിത യാത്രകൾ നിങ്ങളോട് പങ്കുവയ്ക്കും.-പ്രധാനമന്ത്രി ട്വീറ്റ് ചെയ്തു.
Greetings on International Women’s Day! We salute the spirit and accomplishments of our Nari Shakti.
— Narendra Modi (@narendramodi) March 8, 2020
As I’d said a few days ago, I’m signing off. Through the day, seven women achievers will share their life journeys and perhaps interact with you through my social media accounts.
ജീവിതത്തിൽ വിജയം നേടിയ വനിതകൾ രാജ്യത്തിന്റെ എല്ലാ ഭാഗങ്ങളിലുമുണ്ട്. അവരുടേതായ മേഖലകളിൽ മികച്ച പ്രവർത്തനം നടത്തി. അവരുടെ പോരാട്ടങ്ങളും നേട്ടങ്ങളും ദശലക്ഷക്കണക്കിന് ആളുകൾക്ക് പ്രചോദനം നൽകുന്നതാണ്. അത്തരത്തിലുള്ള സ്ത്രീകളുടെ നേട്ടങ്ങളെ പ്രോത്സാഹിപ്പിക്കുന്നതും അവരിൽ നിന്ന് കാര്യങ്ങൾ പഠിക്കുന്നതും നമുക്ക് തുടരാം.-അദ്ദേഹം പറഞ്ഞു.
ഫുഡ് ബാങ്ക് ഇന്ത്യയുടെ സ്ഥാപക സ്നേഹ മോഹന്ദോസ് ആണ് പ്രധാനമന്ത്രിയുടെ ട്വിറ്റർ അക്കൗണ്ടിൽ നിന്ന് ആദ്യമായി ട്വീറ്റ് ചെയ്തത്. "ഒരു നേരത്തെ ഭക്ഷണംപോലും ലഭിക്കാത്തവരെ കുറിച്ച് നിങ്ങൾ നിരന്തരം കേട്ടിട്ടുണ്ട്. ഇനി അത് പ്രാവർത്തികമാക്കാനുള്ള സമയമാണ്. ദരിദ്രർക്ക് മികച്ച ഭാവി നൽകേണ്ട പ്രവർത്തനമാണ് ഇനി വേണ്ടത്. എന്റെ അമ്മയിൽ നിന്ന് പ്രചോദനം കൊണ്ടാണ് ഞാൻ ഫുഡ് ബാങ്ക് ഒഫ് ഇന്ത്യയുടെ പേരിൽ സംരഭം തുടങ്ങിയത്"-സ്നേഹ ട്വിറ്ററിൽ പങ്കുവച്ച വീഡിയോയിൽ പറയുന്നു.
You heard of food for thought. Now, it is time for action and a better future for our poor.
— Narendra Modi (@narendramodi) March 8, 2020
Hello, I am @snehamohandoss. Inspired by my mother, who instilled the habit of feeding the homeless, I started this initiative called Foodbank India. #SheInspiresUs pic.twitter.com/yHBb3ZaI8n
അന്തരാഷ്ട്ര വനിതാ ദിനമായ ഇന്ന് പ്രധാനമന്ത്രിയുടെ ട്വിറ്റര്‍ അക്കൗണ്ട് സ്ത്രീകള്‍ക്ക് വിട്ടുകൊടുക്കുമെന്ന് അദ്ദേഹം നേരത്തെതന്നെ വ്യക്തമാക്കിയിരുന്നു. സ്ത്രീ ശാക്തീകരണ പ്രവര്‍ത്തനങ്ങളില്‍ ശ്രദ്ധേയമായ നേട്ടം കൈവരിക്കുന്ന വ്യക്തികള്‍ക്കും സംഘടനകള്‍ക്കുമാണ് നാരീശക്തി അവാര്‍ഡുകള്‍ നല്‍കുന്നത്.