ന്യൂ​ഡ​ൽ​ഹി: കൊ​റോ​ണ വൈ​റ​സ് ബാ​ധ പടർന്നുപിടിക്കുന്ന ഇ​റാ​നി​ൽ അകപ്പെട്ട ഇ​ന്ത്യ​ക്കാ​രെ ഇന്ത്യൻ വ്യോമസേന നാട്ടിലെത്തിക്കും. ഇന്ത്യ​ക്കാ​രെ മ​ട​ക്കി​ക്കൊ​ണ്ടു വരുന്നതിനായി വ്യോ​മ​സേ​ന​യു​ടെ 'സി 17 ​ഗ്ലോ​ബ് മാ​സ്റ്റ​ർ' എന്ന പ്ര​ത്യേ​ക വി​മാ​നമാണ് പുറപ്പെടാൻ ഒരുങ്ങുന്നത്. ഈ വിമാനം തി​ങ്ക​ളാ​ഴ്ച ഇ​റാ​ൻ ത​ല​സ്ഥാ​ന​മാ​യ ടെ​ഹ്റാ​നി​ലേ​ക്ക് തി​രി​ക്കും. ഉ​ത്ത​ർ​പ്ര​ദേ​ശിലെ ഗാ​സി​യാ​ബാ​ദിലുള്ള വ്യോ​മ​സേ​ന​യു​ടെ ഹി​ന്ദോ​ൻ വ്യോ​മ​കേ​ന്ദ്ര​ത്തി​ൽ​നി​ന്നും രാ​ത്രി എ​ട്ടി​നായിരിക്കും വി​മാ​നം തി​രി​ക്കു​ക.

എന്നാൽ ഇതിനു മുൻപേതന്നെ കേ​ന്ദ്ര​സ​ർ​ക്കാ​ർ ശാ​സ്ത്ര​ജ്ഞ​രേ​യും മൊ​ബൈ​ൽ ല​ബോ​ർ​ട്ട​റി​ക​ളും ഇ​റാ​നി​ലേ​ക്ക് അ​യ​ച്ചി​ട്ടു​ണ്ട്. ഇ​വി​ടെ പ്ര​വ​ർ​ത്ത​നം ആ​രം​ഭി​ക്കുന്നതിനായി ക​സ്റ്റം​സ് അ​നു​മ​തി​ക്കാ​യി ശാ​സ്ത്ര​ജ്ഞ​ർ കാ​ത്തി​രി​ക്കു​ക​യാ​ണെ​ന്ന് കേ​ന്ദ്ര ആ​രോ​ഗ്യ​മ​ന്ത്രി ഹ​ർ​ഷ​വ​ർ​ധ​ൻ പ​റ​ഞ്ഞു. ഇ​റാ​നി​ൽ​നി​ന്ന് 108 പേ​രെ​യാ​ണ് നാ​ട്ടി​ലെ​ത്തിക്കാനായി വ്യോമസേന ഒരുങ്ങുന്നത്.

ഇ​വ​ർ​ക്ക് രോ​ഗ​ബാ​ധ​യി​ല്ലെ​ന്ന സ്ഥി​രീ​കരണം ലഭിച്ച ശേ​ഷ​മാ​ണ് തി​രി​കെ എ​ത്തി​ക്കാ​ൻ ന​ട​പ​ടി ആ​രം​ഭി​ച്ച​ത്. ഇ​റാ​നി​ൽ നിലവിൽ ര​ണ്ടാ​യി​ര​ത്തോ​ളം ഇ​ന്ത്യ​ക്കാ​രാ​ണു​ള്ള​ത്. മൂ​ന്നു ദി​വ​സം മുൻപ് മ​ഹാ​ൻ എ​യ​ർ​ലൈ​ൻ വി​മാ​നം 300 ഇ​ന്ത്യ​ക്കാ​രു​ടെ സാ​മ്പി​ളു​ക​ൾ ഇ​ന്ത്യ​യി​ലേ​ക്ക് കൊ​ണ്ടു​വ​ന്നി​രു​ന്നു. ഇവ പരിശോധിച്ച ശേഷം രോ​ഗ​ബാ​ധ‍​യി​ല്ലെ​ന്ന് സ്ഥി​രീ​ക​രി​ച്ച​വ​രെ​യാ​ണ് നാ​ട്ടി​ലെ​ത്തി​ക്കു​ന്ന​ത്.