തൃക്കാക്കര : അയ്യനാട്‌ സർവീസ് സഹകരണ ബാങ്ക് ഡയറക്ടർ ബോർഡ് അംഗം സിപിഎം തൃക്കാക്കര സെൻട്രൽ ലോക്കൽ കമ്മിറ്റി അംഗം കൂടിയായ വഴക്കാല കുന്നേപ്പറമ്പ് സ്വദേശി വി.എ. സിയാദിനെ (46) ഇന്നലെ ഉച്ചയോടെ കിടപ്പുമുറിയിൽ തൂങ്ങിമരിച്ച നിലയിൽ കണ്ടെത്തി.

ഉച്ചഭക്ഷണത്തിനു ശേഷം വിശ്രമിക്കാനായി മുറിയിലേക്ക് പോയതായിരുന്നു. വീടുതാമസം ക്ഷണിക്കാനായി സിയാദിനെ ഫോണിൽ നിരന്തരം വിളിച്ചിട്ടും എടുക്കാതായതോടെ സുഹൃത്ത് അന്വേഷിച്ച് വീട്ടിൽ എത്തി​യപ്പോഴാണ് സംഭവം അറി​ഞ്ഞത്. ഭാര്യ വിളിച്ചിട്ടും കതക് തുറക്കാതായതോടെ സമീപത്ത് താമസിക്കുന്ന സഹോദരനെ വരുത്തി​ വാതിൽ പൊളിക്കുകയായി​രുന്നു.

കാക്കനാട് സൺറൈസ് ആശുപത്രിയി​ൽ എത്തി​ക്കുമ്പോൾ ജീവൻ ശേഷി​ച്ചി​രുന്നി​ല്ല. മൃതദേഹം ആശുപത്രി​ മോർച്ചറിയിൽ. പോസ്റ്റ്മോർട്ടത്തിന് ശേഷം മൃതദേഹം ഇന്ന് ബന്ധുക്കൾക്ക് വിട്ടുകൊടുക്കും. എറണാകുളത്തെ പ്രളയഫണ്ട് തട്ടിപ്പ് കേസിൽ ഉലയുന്ന സി​.പി​.എമ്മി​നെ വീണ്ടും പ്രതി​സന്ധി​യി​ലാക്കുന്നതാണ് സി​യാദി​ന്റെ ആത്മഹത്യ. പ്രളയഫണ്ട് ​ തി​രി​മറിക്കായി​ അയ്യനാട് സഹകരണ ബാങ്കി​ലെ അക്കൗണ്ടാണ് പ്രധാന പ്രതി​കൾ ഉപയോഗി​ച്ചി​രുന്നത്. പ്രളയഫണ്ട് തട്ടിപ്പി​ൽ സിയാദിനെതിരെ ആരോപണങ്ങൾ ഒന്നുമി​ല്ല.