കൊറോണ വൈറസ് കേരളത്തിലും ഭീഷണി ആയതുമുതൽ കേൾക്കുന്ന സംശയമാണ് കറൻസി നോട്ടുകൾ കൈമാറുന്നത് വഴി കോവിഡ് 19 (കൊറോണ )​ വൈറസ് പകരാൻ സാധ്യതയുണ്ടോ എന്നത്. ഈ സംശയത്തിനുള്ള ഉത്തരം ഇൻഫോ ക്ലിനിക്കിലെ ഡോ. ജിനേഷ് പി..എസ് പങ്കുവയ്ക്കുന്നു

കറൻസ് നോട്ടുകൾ വഴി കൊറോണ പടരാനുള്ള സാധ്യത കുറവാണെന്ന് ഡോക്ടർ ഫേസ്ബുക്ക് പോസ്റ്രിൽ പറയുന്നു, ഈ വൈറസിന് ശരീരത്തിന് പുറത്ത് കുറച്ചു സമയം സർവൈവ് ചെയ്യാൻ സാധിക്കും. നിർദേശിക്കുന്നത് പോലുള്ള വ്യക്തിശുചിത്വ രീതികൾ പാലിച്ചാൽ മതിയാവും.

വ്യക്തി ശുചിത്വം പാലിക്കുക എന്നതാണ് നമ്മൾ ചെയ്യേണ്ടത്. ഇടയ്ക്കിടെ കൈകൾ നന്നായി കഴുകുക. കൈകൾ കൊണ്ട് മുഖത്ത് പിടിക്കാതിരിക്കുക. നമ്മൾ സ്പർശിക്കുന്ന വസ്തുക്കളിൽ വൈറസിന്റെ സാന്നിധ്യം ഉണ്ടെങ്കിൽ പോലും നമ്മുടെ ശരീരത്തിൽ കയറാൻ പാടില്ല.

കറൻസി മാത്രമല്ല, എടിഎം കാർഡുകൾ കൈ മാറുമ്പോഴും എ..ടി..എം മെഷീനിൽ നിന്ന് പണം പിൻവലിക്കുമ്പോഴും ഒക്കെ അവസ്ഥ ഇതുതന്നെ. കൈകൾ വൃത്തിയായി സൂക്ഷിക്കുക. സോപ്പും വെള്ളവും ഉപയോഗിച്ച് കഴുകുക...
ടോയ്ലറ്റ് ഉപയോഗിക്കുമ്പോഴും ഇതു തന്നെ ചെയ്യണം. ഉപയോഗിക്കുന്നതിന് മുൻപും ശേഷവും കൈകൾ വൃത്തിയായി കഴുകണമെന്നും ഡോക്ടർ പറയുന്നു..