ടൊറന്റോ: കൊറോണ വൈറസ് ബാധയുണ്ടെന്ന സംശയത്തെ തുടർന്ന് കനേഡിയൻ പ്രധാനമന്ത്രി ജസ്റ്റിൻ ട്രൂഡോ നിരീക്ഷണത്തിൽ. ജസ്റ്റിൻ ട്രൂഡ‌ോയെ ഐസോലേഷനിലാണെന്നാണ് റിപ്പോർട്ടുകൾ. ഭാര്യയ്ക്ക് രോഗലക്ഷണങ്ങൾ കണ്ട പശ്ചാത്തലത്തിലാണ് പ്രധാനമന്ത്രിയെ നിരീക്ഷണത്തിലേക്ക് മാറ്റിയത്.

ഡോക്ടർമാരുടെ നിർദ്ദേശപ്രകാരം ഇദ്ദേഹം വീട്ടിൽ തന്നെയാണ് നിരീക്ഷണത്തിൽ കഴിയുന്നത്. പ്രധാനമന്ത്രിയുടെ ചുമതലയും ഇദ്ദേഹം നിർവഹിക്കുന്നുണ്ടെന്നാണ് റിപ്പോർട്ടുകൾ.

വരുംദിവസങ്ങളിലുള്ള എല്ലാ പരിപാടികളും അദ്ദേഹം മാറ്റിവച്ചു. കഴിഞ്ഞ ദിവസമാണ് ട്രൂഡോ ഭാര്യ ലണ്ടൻ സന്ദർശനം കഴിഞ്ഞ് മടങ്ങിയെത്തിയത്.

കാനഡയിൽ ഇതുവരെ 103 പേർക്ക് കൊറോണ സ്ഥിരീകരിച്ചിട്ടുണ്ട്.