ന്യൂഡൽഹി: ഏഴുമാസത്തെ നഷ്‌ടക്കണക്കുകൾക്ക് വിടപറഞ്ഞ് ഇന്ത്യയിൽ നിന്നുള്ള വാണിജ്യാധിഷ്‌ഠിത കയറ്റുമതി കഴിഞ്ഞമാസം നേട്ടം കുറിച്ചു. 2.91 ശതമാനമാണ് ഫെബ്രുവരിയിലെ വളർച്ച. വരുമാനം 2,​765 കോടി ഡോളർ. ഇറക്കുമതിച്ചെലവ് 2.48 ശതമാനം വർദ്ധിച്ച് 3,​750 കോടി ഡോളറായി. ഇതോടെ,​ വ്യാപാരക്കമ്മി 972 കോടി ഡോളറിൽ നിന്ന് 985 കോടി ഡോളറിലേക്കും വർദ്ധിച്ചു.

നടപ്പുവർഷം ഏപ്രിൽ-ഡിസംബറിൽ കയറ്റുമതി വരുമാനം 1.5 ശതമാനം കുറഞ്ഞ് 29,​291 കോടി ഡോളറായി. 43,​600 കോടി ഡോളറാണ് ഇറക്കുമതിച്ചെലവ്; വർദ്ധന 7.30 ശതമാനം. വ്യാപാരക്കമ്മി 14,​312 കോടി ഡോളർ.