ദോഹ: ലുലു ഹൈപ്പർ മാർക്കറ്ര്‌സ് ഡയറക്‌ടർ മുഹമ്മദ് അൽതാഫ് പാരീസിലെ യൂറോപ്യൻ ഇന്റർനാഷണൽ യൂണിവേഴ്‌സിറ്റിയിൽ (ഇ.ഐ.യു)​ നിന്ന് ഗ്ളോബൽ ലീഡർഷിപ്പ് ആൻഡ് മാനേജ്‌മെന്റിൽ ഡോക്‌ടറേറ്ര് നേടി. സി.ഇ.ഒ വേൾഡ് മാഗസിന്റെ ലോകത്തെ മികച്ച ബിസിനസ് സ്‌കൂളുകളിൽ 85-ാം സ്ഥാനത്താണ് ഇ.ഐ.യു.

ഡൽഹി സർവകലാശാലയിൽ നിന്ന് ബിരുദാനന്തര ബിരുദവും എൽ.എൽ.ബിയും നേടിയിട്ടുള്ള മുഹമ്മദ് അൽതാഫ്,​ ഓക്‌സ്‌ഫോർഡ് സർവകലാശാലയിലെ സെയ്ദ് ബിസിനസ് സ്‌കൂളിലെ പൂർവവിദ്യാർത്ഥിയുമാണ്. ഖത്തരി ബിസിനസ്‌മെൻ അസോസിയേഷൻ അംഗമായ ഏക ഇന്ത്യക്കാരനായ അൽതാഫ്,​ വിവിധ രാജ്യാന്തര റീട്ടെയിൽ,​ ബിസിനസ് ഫോറങ്ങളിലും അംഗമാണ്. അദ്ദേഹത്തിന്റെ നേതൃത്വത്തിൽ ലുലു ഹൈപ്പർ മാർക്കറ്റുകളിൽ നടത്തിയ ദീർഘകാലവും നിരന്തരമായ പരിശ്രമങ്ങൾക്കുള്ള അംഗീകാരമെന്ന നിലയിൽ സുസ്‌ഥിരതാ അവാർഡും ഏഴാമത് ഖത്തർ സി.എസ്.ആർ അവാർഡും കരസ്ഥമാക്കിയിട്ടുണ്ട്.