ന്യൂഡൽഹി: പെട്രോളിന്റെയും ഡീസിലിന്റെയും എക്സൈസ് നികുതി കൂട്ടി. ലിറ്ററിന് മൂന്ന് രൂപ വീതമാണ് വർദ്ധിപ്പിച്ചത്. കേന്ദ്ര സർക്കാ‌ർ വിജ്ഞാപനമിറക്കി. റോഡ് നികുതി ഒരു രൂപ കൂട്ടിയതോടെ ഒമ്പതിൽ നിന്ന് പത്തു രൂപയായി. അഡീഷനൽ എക്സൈസ് തീരുവ പെട്രോളിന് എട്ടിൽ നിന്ന് പത്ത് രൂപയായും, ഡീസലിനു രണ്ടിൽ നിന്ന് നാലു രൂപയായും വർദ്ധിപ്പിച്ചു. ഇതോടെ ലിറ്ററിന് മൂന്നു രൂപ വീതം നികുതി കൂടി.
ഇന്നലെ അർദ്ധരാത്രിയോടെ പുതിയ നിരക്ക് പ്രാബല്യത്തിൽ വന്നു. അന്താരാഷ്ട്ര വിപണിയിൽ എണ്ണവിലിയിൽ ഇടിവുണ്ടായിരുന്നു. അതിനാൽത്തന്നെ ഇന്ധനവില കുറയുമെന്ന പ്രതീക്ഷയിലായിരുന്നു ജനങ്ങൾ. എന്നാൽ പെട്രോളിന്റെയും ഡീസലിന്റെയും എക്സൈസ് തീരുവ കൂട്ടിയതോടെ രാജ്യത്ത് ഇന്ധനവില കുറയാനുള്ള സാദ്ധ്യത ഇല്ലാതായി.