പെരുമ്പാവൂർ: പെരുമ്പാവൂരിൽ നിർത്തിയിട്ട തടി ലോറിക്ക് പിന്നിൽ കാറിടിച്ച് മൂന്ന് പേർ മരിച്ചു. ഒറ്റത്തറ, കോട്ടൂർ, മൂഴിത്തൊടി വീട്ടിൽ ഹനീഫ( 29), ഹനീഫയുടെ ഭാര്യ സുമയ്യ(20), ഫനീഫയുടെ സഹോദരൻ ഷാജഹാൻ( 27) എന്നിവരാണ് മരിച്ചത്. സുമയ്യ എട്ടുമാസം ഗർഭിണിയായിരുന്നു. എം.സി റോഡിൽ പുലർച്ചെ 3.30 നായിരുന്നു അപകടം.

മുണ്ടക്കയത്തെ സുമയ്യയുടെ വീട്ടിലേക്ക് പോകുന്നതിനിടെയാണ് അപകടം ഉണ്ടായത്. ഇവർ സഞ്ചരിച്ച കാർ എം.സി റോഡിൽ നിർത്തിയിട്ടിരുന്ന ലോറിയ്ക്ക് പിന്നിൽ ഇടിക്കുകയായിരുന്നു. മൂന്നു പേരുടെ മൃതദേഹങ്ങളും പെരുമ്പാവൂർ താലൂക്ക് ആശുപത്രിയിലേക്ക് മാറ്റി.