ചാലക്കുടി: കൊറോണ സ്ഥിരീകരിച്ച ബ്രിട്ടീഷ് പൗരനും സംഘവും മാർച്ച് എട്ടിന് അതിരപ്പിള്ളിയിലും വാഴച്ചാലിലും മാത്രമാണ് സഞ്ചരിച്ചതെന്ന് വ്യക്തമായി. മലക്കപ്പാറയിലേക്ക് പോകാതെ വാഴച്ചാലിൽ നിന്ന് പരിയാരം വഴി മടങ്ങി. തുമ്പൂർമുഴി ഗാർഡനിൽ എത്തിയില്ല തുമ്പൂർമുഴി റോഡിലൂടെയാണ് അതിരപ്പിള്ളിയിലേക്ക് പോയത്.

കവാടത്തിലെ ഡി.എം.സിയുടെ നിരീക്ഷണ കാമറയിൽ യാത്ര പതിഞ്ഞിട്ടുണ്ട്. തുടർന്ന് എട്ട് കിലോ മീറ്റർ അകലെയുള്ള പിള്ളപ്പാറയിലെ കാമറയിലും വാഹനത്തെ കാണാനായി. അതിരപ്പിള്ളിയിൽ കൂടുതൽ സമയം സംഘം ചെലവഴിച്ചു. വെള്ളച്ചാട്ടത്തിന് മുകളിലും താഴെയും പോയിട്ടുണ്ട്. അതിരപ്പിള്ളിയിലേക്ക് വരുമ്പോൾ രാവിലെ പരിയാരത്തെ ബാർ ഹോട്ടലിൽ നിന്നാണ് സംഘം പ്രാതൽ കഴിച്ചത്. ഈ ഹോട്ടൽ കഴിഞ്ഞ ദിവസം അടപ്പിച്ചു. ഇവിടത്തെ ജീവനക്കാർ വീടുകളിൽ നിരീക്ഷണത്തിലാണ്.