റോം: ലോകത്ത് കൊറോണ ബാധിച്ച് മരിച്ചവരുടെ എണ്ണം 7007 ആയി. ഇ​തു​വ​രെ ലോ​ക​ത്താ​കെ കൊ​റോ​ണ ബാ​ധി​ച്ച​വ​രു​ടെ എ​ണ്ണം ഒരു ലക്ഷത്തി എൺപതിനായിരമായി. യൂറോപ്യൻ രാജ്യങ്ങളിൽ സ്ഥിതിഗതികൾ കൂടുതൽ വഷളാവുകയാണ്. ഇ​റ്റ​ലി​യി​ൽ മാ​ത്രം ക​ഴി​ഞ്ഞ 24 മ​ണി​ക്കൂ​റി​നി​ടെ 368 പേ​രാ​ണ് മ​രി​ച്ച​ത്. ഇത്രയും പേർക്ക് 24 മണിക്കൂറിനുള്ളിൽ ജീവൻ നഷ്ടമായത് ഇതാദ്യമായാണ്. മിക്കയിടങ്ങളിലും മരുന്നുകൾക്കും ക്ഷാമം ഉണ്ട്.

സ്വി​റ്റ്സ​ർ​ല​ൻ​ഡി​ൽ ക​ഴി​ഞ്ഞ ദി​വ​സ​ത്തേ​തി​നേ​ക്കാ​ൾ മൂ​ന്നി​ര​ട്ടി ആ​ളു​ക​ൾ​ക്കാ​ണ് പു​തു​താ​യി രോ​ഗം സ്ഥി​രീ​ക​രി​ച്ച​ത്. ഇതോടെ സ്വിറ്റ്സർലൻഡിൽ അടിയന്തരാവസ്ഥ പ്രഖ്യാപിച്ചു.ഫ്രാ​ൻ​സി​ലും, സ്പെ​യി​നി​യു​മെ​ല്ലാം വൈ​റ​സ് സ്ഥി​രീ​ക​രി​ച്ച​വ​രു​ടെ എ​ണ്ണം ഉ​യ​രു​ക​യാ​ണെ​ന്നാ​ണ് റി​പ്പോ​ർ​ട്ടു​ക​ൾ. അ​തി​നി​ടെ, പോ​ർ​ച്ചു​ഗീ​സ് സ്പെ​യി​നു​മാ​യു​ള്ള അ​തി​ർ​ത്തി അ​ട​യ്ക്കു​ക​യും ചെ​യ്തു.

ആ​ഗോ​ള ത​ല​ത്തി​ൽ ഇ​തു​വ​രെ 77,758 പേ​ർ കൊറോണ 19 ബാ​ധ​യി​ൽ നി​ന്ന് മു​ക്ത​രാ​യെ​ന്നും ക​ണ​ക്കു​ക​ൾ സൂ​ചി​പ്പി​ക്കു​ന്നു. 28 യൂറോപ്യൻ രാജ്യങ്ങളിൽ നിന്നുള്ള പൗരൻമാർക്ക് അമേരിക്കയിലേക്ക് യാത്ര ചെയ്യാനാകില്ല. 62 പേരാണ് അമേരിക്കയിൽ ഇതുവരെ മരിച്ചത്. വൈറസ് ബാധയുടെ പശ്ചാത്തലത്തിൽ അമേരിക്കയിൽ പ്രസിഡന്‍റ് ഡൊണൾാഡ് ട്രംപ് അടിയന്തരാവസ്ഥ പ്രഖ്യാപിച്ചിരുന്നു. എല്ലാ യൂറോപ്യൻ രാജ്യങ്ങളും പ്രതിരോധ പ്രവർത്തനങ്ങൾ കൂടുതൽ കർശനമാക്കി.