കൊറോണ വൈറസ് വ്യാപകമാകുന്ന സാഹചര്യത്തില്‍ പണം കൈകാര്യം ചെയ്യുന്നവര്‍ക്ക് മുന്നറിയിപ്പുമായി ബാങ്ക് ഉദ്യോഗസ്ഥയുടെ ഫേസ്ബുക്ക് പോസ്റ്റ്. തൃശൂര്‍ സ്വദേശിനിയായ അശ്വതി ഗോപനാണ് പണം കൈകാര്യം ചെയ്‌ത ശേഷം താന്‍ ഉപയോഗിച്ച കൈയുറയുടെ ചിത്രം ഫേസ്ബുക്കിലൂടെ പങ്കുവെച്ചത്. ഒരു ദിവസം ബാങ്കിലെ കൃഷ് കൗണ്ടറില്‍ കൈയ്യുറ ഉപയോഗിച്ചപ്പോള്‍ കിട്ടിയ അഴുക്കാണെന്ന തലക്കെട്ടോടെയാണ് ഉദ്യോഗസ്ഥ ചിത്രം പങ്കുവച്ചിരിക്കുന്നത്. പണം കൈകാര്യം ചെയ്യുമ്പോള്‍ കൂടുതല്‍ ശ്രദ്ധ പുലര്‍ത്തണമെന്നും,ഇടപാടിന് ശേഷം കൈകള്‍ വൃത്തിയായി കഴുകണമെന്നും പോസ്റ്റില്‍ പറയുന്നു.
കോവിഡ് 19 രോഗം വ്യാപകമാകുന്ന സാഹചര്യത്തില്‍ പൊതു സ്ഥലങ്ങളില്‍ ജോലി ചെയ്യുന്നവര്‍ മാസ്‌ക്ക്,കൈയ്യുറ തുടങ്ങിയ സുരക്ഷ മുന്‍കരുതലുകള്‍ സ്വീകരിക്കണമെന്ന് ആരോഗ്യ വകുപ്പ് നേരതെ നിര്‍ദേശം നല്‍കിയിരുന്നു. ഇതിന് പിന്നാലെയാണ് ജോലിക്ക് ശേഷം താന്‍ ഉപയോഗിച്ച കൈയ്യുറയുടെ ചിത്രം ബാങ്ക് ഉദ്യോഗസ്ഥ ഫേസ്ബുക്കിലൂടെ പങ്കുവെച്ചത്. ബ്രക്ക് ദ് ചെയിന്‍ എന്ന ഹാഷ് ടാഗോടെ ഇട്ടചിത്രം സോഷ്യല്‍ മീഡിയയില്‍ തരംഗമാവുകയാണ്.
ഫേസ്ബുക്ക് പോസ്റ്റിന്റെ പൂര്‍ണരൂപം.
#Lets_break_the_chain
ഒരു ദിവസം ബാങ്കിലെ cash കൗണ്ടറിൽ 10 am to 4 pm gloves ഇട്ടപ്പോൾ കിട്ടിയ അഴുക്ക് !!
അഴുക്ക് ഉണ്ടെന്ന് അറിയാമായിരുന്നു.. ഇത്രമാത്രം ഉണ്ടെന്നു അറിഞ്ഞില്ല 🤷♀️cash കൈകാര്യം ചെയുമ്പോൾ പലപ്പഴും നമ്മൾ വേണ്ടത്ര ശ്രദ്ധ കൊടുക്കാറില്ല... ദൗർഭാഗ്യവശാൽ പലരും തുപ്പൽ ഒക്കെ തൊട്ട് തേച്ചാണ് പൈസ എണ്ണുന്നത് !
Cash തൊടേണ്ടി വന്നാൽ ആ കൈ കഴുന്നതിനു മുൻപ് മുഖത്തേക്ക് കൊണ്ടുപോകാതിരിക്കുക !!
#always wash your hands aftrr dealing with #cash #dnt_ touch_ ur_ face aftr dealing with currency notes #carriers