ഭോപ്പാൽ: മദ്ധ്യപ്രദേശ് മുഖ്യമന്ത്രി കമൽനാഥ് നാളെ രാജിവയ്ക്കും. നാളെ ഭൂരിപക്ഷം തെളിയിക്കണമെന്ന് സുപ്രീംകോടതി ആവശ്യപ്പെട്ടതിന് പിന്നാലെയാണ് രാജിവയ്ക്കാൻ കമൽനാഥ് തീരുമാനിച്ചത്. ഭൂരിപക്ഷം തെളിയിക്കാനുള്ള അംഗങ്ങൾ കോൺഗ്രസിന് ഇല്ലെന്ന വിലയിരുത്തലിനെതുടർന്നാണ് രാജി. നാളെ ഉച്ചയ്ക്ക് രാജിവയ്ക്കുമെന്നാണ് ഇപ്പോൾ പുറത്തുവരുന്ന വിവരം.

മദ്ധ്യപ്രദേശിൽ വിശ്വാസവോട്ടെടുപ്പ് നാളെ നടത്തണമെന്ന് സുപ്രീംകോടതി ഇന്ന് ഉത്തരവിട്ടിരുന്നു. സർക്കാർ നാളെ വൈകിട്ട് അഞ്ച് മണിക്ക് മുമ്പ് ഭൂരിപക്ഷം തെളിയിക്കണമെന്നും ഉത്തരവിൽ പറഞ്ഞിരുന്നു.. വിശ്വാസ വോട്ട് നടത്തണമെന്ന് ആവശ്യപ്പെട്ട് ബി.ജെ.പി നൽകിയ ഹർജിയിലായിരുന്നു സുപ്രീംകോടതിയുടെ ഉത്തരവ്.