ന്യൂഡൽഹി: കൊറോണ സ്ഥിരീകരിച്ച ഗാ​യി​ക ക​നി​ക ക​പൂ​റിനൊപ്പം പാർട്ടിയിൽ പങ്കെടുത്ത ബി.​ജെ.​പി നേ​താ​വും രാജസ്ഥാൻ മുൻമുഖ്യമന്ത്രിയുമായ വ​സു​ന്ധ​ര​രാ​ജെ സി​ന്ധ്യ​യും മ​ക​നും എം​.പി​യു​മാ​യ ദു​ഷ്യ​ന്ത് സിം​ഗും ഹോം ​ക്വാ​റന്റൈനിൽ പ്ര​വേ​ശി​ച്ചു. പാ​ർട്ടിയിൽ പങ്കെടുത്തതിന്റെ പി​റ്റേദി​വ​സം ദു​ഷ്യ​ന്ത് പാ​ർലമെന്റ് സ​മ്മേ​ള​ന​ത്തി​ൽ പങ്കെടുത്തതും ആശങ്ക സൃഷ്ടിക്കുകയാണ്.

പാ​ർലമെന്റിൽ ദു​ഷ്യ​ന്ത് പ​ല എം..​പി​മാ​രു​മാ​യും സം​സാ​രി​ക്കു​ക​യും ഒ​രു​മി​ച്ചി​രി​ക്കു​ക​യും ചെ​യ്തു. രാ​ഷ്ട്രപ​തി ഭ​വ​നി​ലെ ഒ​രു ച​ട​ങ്ങി​ലും ദു​ഷ്യ​ന്ത് പ​ങ്കെ​ടു​ത്തു.ക​നി​ക ക​പൂ​ർ ല​ക്‌നൗവിൽ വ​ച്ചു ന​ട​ത്തി​യ പാ​ർട്ടിയിൽ വ​സു​ന്ധ​രെ​യ്ക്കും ദു​ഷ്യ​ന്ത് സിം​ഗി​നും പു​റ​മേ യു​..പി ആ​രോ​ഗ്യ​മ​ന്ത്രി ജ​യ് പ്ര​താ​പ് സിം​ഗ്, മുൻ​കേ​ന്ദ്ര​മ​ന്ത്രി​യും കോ​ൺ​ഗ്ര​സ് നേ​താ​വു​മാ​യ ജി​തി​ൻ പ്ര​സാ​ദ് എ​ന്നി​വ​രും പങ്കെടുത്തതായാണ് റി​പ്പോ​ർ​ട്ട്.

ഈ മാസം 15 നാണ് കനിക ലണ്ടനിൽ നിന്ന് മടങ്ങിയെത്തിയത്. കനികയുടെ കുടുംബാംഗങ്ങളും നിരീക്ഷണത്തിലാണ്. ലക്നൗവിലുള്ള കിംഗ്സ് ജോർജ്‌സ് മെഡിക്കൽ യൂണിവേഴ്‌സിറ്റി ആശുപത്രിയിൽ ഐസൊലേഷൻ വാർഡിൽ ചികിത്സയിലാണ് കനിക. ലണ്ടനിൽ നിന്ന് എത്തിയ ശേഷം കനിക ഒരു സെലിബ്രറ്റി പാർട്ടിയിൽ പങ്കെടുത്തിരുന്നു. ഈ പാർട്ടിയിൽ രാഷ്ട്രീയ സിനിമാ മേഖലയിലെ നിരവധിപേർ പങ്കെടുത്തതയാണ് വിവരം.