കു​ണ്ട​റ: വീ​ട്ടിൽ അ​തി​ക്ര​മി​ച്ച് ക​യ​ ഉ​റ​ങ്ങി​ക്കി​ട​ന്ന വീ​ട്ട​മ്മ​യു​ടെ സ്വർണ​മാ​ല പൊ​ട്ടി​ച്ചു​ക​ട​ന്നു. മാ​ല പൊ​ട്ടി​ച്ചെ​ടു​ക്കു​ന്ന​തി​നി​ടെ ക​ഴു​ത്തി​ലേ​റ്റ മു​റി​വിൽ 17 തു​ന്ന​ലു​ക​ളി​ടേ​ണ്ടി​വ​ന്നു. കു​ഴി​യം തെ​ക്ക് ത​ട​ത്തിൽ പു​ത്തൻ​വീ​ട്ടിൽ ഓ​മ​നയുടെ (80) മാ​ല​യാ​ണ് ശ​നി​യാ​ഴ്​ച രാ​ത്രി ഉ​റ​ക്ക​ത്തി​നി​ടെ മോ​ഷ്ടാ​ക്കൾ പൊ​ട്ടി​ച്ചെ​ടു​ത്ത​ത്. ഭർ​ത്താ​വി​ന്റെ മ​ര​ണ​ത്തെ​ തു​ടർ​ന്ന് 36 വർ​ഷ​മാ​യി ഓ​മ​ന വീ​ട്ടിൽ ഒ​റ്റ​യ്​ക്കാ​യി​രു​ന്നു താ​മ​സം. മാ​ല പൊ​ട്ടി​ച്ചെ​ടു​ക്കു​മ്പോൾ ക​ഴു​ത്തിൽ മു​റി​വേ​റ്റെ​ങ്കി​ലും ഇ​വർ അ​റി​ഞ്ഞി​ല്ല. മ​യ​ക്കി​ക്കി​ട​ത്തി​യാ​വാം മോ​ഷ​ണം ന​ട​ത്തി​യ​തെ​ന്ന് സം​ശ​യി​ക്കു​ന്നു.

രണ്ട് പ​വ​ന്റെ മാ​ല​യോ​ടൊ​പ്പം ക​മ്മ​ലും മോ​ഷ്ടി​ച്ചി​ട്ടു​ണ്ട്. വീ​ടി​ന്റെ മേൽ​ക്കൂ​ര​യു​ടെ ഓ​ടി​ള​ക്കി​യാ​ണ് മോ​ഷ്ടാ​ക്കൾ അ​ക​ത്തു​ക​ട​ന്ന​ത്. രാ​ത്രി ഒൻ​പ​തോ​ടെ ഉ​റ​ങ്ങാൻ​കി​ട​ന്ന ഓ​മ​ന 11​ഓ​ടെ ഉ​ണർ​ന്നു. പി​ന്നീ​ട് ഞാ​യ​റാ​ഴ്​ച ഏ​ഴോ​ടെ​യാ​ണ് ഉ​ണർ​ന്ന​ത്. ഉ​ണർ​ന്ന​പ്പോൾ ക​ഴു​ത്തിൽ അ​സ​ഹ്യ​മാ​യ വേ​ദ​ന അ​നു​ഭ​വ​പ്പെ​ട്ട​പ്പോ​ഴാ​ണ് മോ​ഷ​ണ​വി​വ​രം അ​റി​യു​ന്ന​ത്. ഇ​വർ ച​ന്ദ​ന​ത്തോ​പ്പി​ലെ സ്വ​കാ​ര്യ ആ​ശു​പ​ത്രി​യിൽ ചി​കി​ത്സ​തേ​ടി. കു​ണ്ട​റ പൊലീ​സും പൊ​ലീ​സ് നാ​യ​യും ഫോ​റൻ​സി​ക് വി​ദ​ഗ്ദ്ധ​രുമെ​ത്തി തെ​ളി​വെ​ടു​ത്തു