ചെന്നൈ: കൊറോണ വെെറസ് ബാധിച്ച് തമിഴ്നാട്ടിൽ ആദ്യ മരണം റിപ്പോർട്ട് ചെയ്തു. മധുര അണ്ണാനഗർ സ്വദേശിയായ 54കാരനാണ് മരിച്ചത്. പ്രമേഹ രോഗിയായിരുന്നു ഇദ്ദേഹം. ചൊവ്വാഴ്ചയാണ് ഇയാൾക്ക് കൊറോണ സ്ഥിരീകരിച്ചത്. കൊറോണ വെെെറസ് ബാധിച്ച് തമിഴ്നാട്ടിൽ നിന്നുള്ള ആദ്യ മരണമാണിതെന്ന് സംസ്ഥാന ആരോഗ്യമന്ത്രി സി.വിജയഭാസ്കർ പറഞ്ഞു. ഇദ്ദേഹത്തിന് രോഗം ബാധിച്ചത് എങ്ങെനെയാണെന്ന് കണ്ടെത്താൻ ആരോഗ്യവകുപ്പിന് കഴിഞ്ഞിരുന്നില്ല. രോഗബാധിതനായത് എങ്ങനെയെന്ന് കണ്ടെത്താൻ അന്വേഷണം നടത്തിവരികയാണ്.

ചൊവ്വാഴ്ച തമിഴ്നാട്ടിൽ രോഗബാധിതരുടെ എണ്ണം 18ആയി ഉയർന്നു. മൂന്ന് സ്ത്രീകളടക്കം ആറ് പേർ കൊറോണ സ്ഥിരീകരിച്ചിരുന്നു. രാജ്യത്ത് കൊറോണ ബാധിച്ച് മരിച്ചവരുടെ എണ്ണം 11 ആയി. രാജ്യത്ത് കൊറോണ ബാധിച്ചവരുടെ എണ്ണം വർദ്ധിക്കുന്ന സാഹചര്യത്തിൽ സുരക്ഷാ മുൻകരുതലുകൾ കർശനമാക്കിയതായി തമിഴ്നാട് സർക്കാർ അറിയിച്ചു. രാജ്യവ്യാപകമായി രോഗം സ്ഥിരീകരിച്ചവരുടെ എണ്ണം 562 ആയി. അതില്‍ ആകെ 48 പേരാണ് രോഗം ഭേദമായി ഇതുവരെ ആശുപത്രി വിട്ടത്.

കൊറോണ വ്യാപനത്തിന്റെ പശ്ചാത്തലത്തില്‍ രാജ്യം 21 ദിവസം അടച്ചിടുകയാണെന്ന് ഇന്നലെ പ്രധാനമന്ത്രി പ്രഖ്യാപിച്ചിരുന്നു. സാമൂഹ്യഅകലം പാലിക്കുക അനിവാര്യമാണെന്നും കൊറോണയെ നേരിടാന്‍ മറ്റുവഴികളില്ലെന്നും ഈ സാഹചര്യത്തില്‍ എല്ലാവരും വീടുകളില്‍ തന്നെ തുടരണമെന്നും മോദി പറഞ്ഞു.

A #COVID19 positive patient who was admitted at Rajaji Hospital in Madurai, Tamil Nadu has passed away.He had medical history of prolonged illness with steroid-dependent COPD, uncontrolled diabetes with hypertension: Dr C Vijayabaskar, State Minister for Health and Family Welfare pic.twitter.com/K14MPLRNs1

— ANI (@ANI) March 24, 2020