തിരുവനന്തപുരം: രാജ്യം സമ്പൂർണ ലോക്ക് ഡൗണലേക്ക് നീങ്ങിയതോടെ സഹായവുമായി സംസ്ഥാന സർക്കാർ. ബി.പി.എൽ അരി അടക്കം ഒരുമാസത്തേക്കുള്ള ഭക്ഷ്യവസ്തുക്കളുടെ സൗജന്യ കിറ്റ് വിതരണം ചെയ്യും. മുൻഗണനാ ലിസ്റ്റിലുള്ളവർക്ക് 15 കലോഅരിയും വിതരണം ചെയ്യും.

ഭക്ഷ്യവസ്തുക്കളുടെ കിറ്റുകൾ മാവേലി സ്‌റ്റോറുകൾ, സപ്ലൈകോ വിൽപന കേന്ദ്രങ്ങൾ എന്നിവടങ്ങളിലൂടെയോ അല്ലെങ്കിൽ പഞ്ചായത്ത്, മുനിസിപ്പാലിറ്റി വാർഡ് അംഗങ്ങളിലൂടെ നേരിട്ട് വീടുകളിൽ എത്തിക്കുകയോ ചെയ്യും. റേഷൻ കടകളിലൂടെ ലഭ്യമാക്കിയാൽ ജനങ്ങൾ കൂട്ടം കൂടാൻ ഇടയുണ്ട് എന്നത് കണക്കിലെടുത്താണ് സർക്കാർ ബദൽ മാർഗം ആലോചിക്കുന്നത് .

ബാറുകളും ബിവറേജ് ഷോപ്പുകളും കൺസ്യൂമർഫെഡ് ഔട്ട് ലെറ്റുകളും ഏപ്രിൽ 14 വരെ അടച്ചിടാനും മന്ത്രിസഭായോഗം തീരുമാനിച്ചു. പകരം ഓൺലൈൻ വിൽപ്പനയുടെ സാധ്യത പരശോധിക്കും. സംസ്ഥാനത്തെ പൊതുവിതരണ കേന്ദ്രങ്ങളുടെ സമയക്രമത്തിലും മന്ത്രിസഭായോഗം മാറ്റം വരുത്തിയിട്ടുണ്ട്. രാവിലെ 9 മണിമുതൽ ഉച്ചയ്ക്ക് ഒരു മണിവരെയും ഉച്ചയ്ക്ക് 2 മുതൽ വൈകിട്ട് 5 വരെയും ആണ് റേഷൻ കടകളുടെ സമയം ക്രമീകരിച്ചിരിക്കുന്നത്. സർക്കാർ ഓഫീസുകളിൽ ജീവനക്കാരുടെ എണ്ണം കുറയ്ക്കാനും മന്ത്രിസഭായോഗം തീരുമാനിച്ചു