​ ലോക്ക്‌ഡൗൺ​ ​പ്ര​ഖ്യാ​പി​ച്ചി​രി​ക്കു​ന്ന​ ​ഈ​ ​സ​മ​യ​ത്ത് ​എ​ല്ലാ​വ​രും​ ​വീട്ടി​ലെ​ ​അ​ടു​ക്ക​ള​ ​പ​രീ​ക്ഷ​ണ​ ​ശാ​ല​യാ​ക്കി​ ​മാ​റ്റി​യി​രി​ക്കു​ക​യാ​ണ്.​ ​എ​ന്നാ​ൽ​ ​അവ​ശ്യ​ ​സാ​ധ​ന​ങ്ങ​ളു​ടെ​ ​ല​ഭ്യ​ത​ ​ന​മ്മ​ൾ​ ​ഉ​റ​പ്പാ​ക്കു​ക​യും​ ​വേ​ണം​ .​ ​നി​മി​ഷ​ ​നേ​രം​ ​കൊ​ണ്ട് ​ആ​രോ​ഗ്യ​പ​ര​വും​ ​സ്വാ​ദി​ഷ്ട​വു​മാ​യ​ ​ഭ​ക്ഷ​ണ​ ​വി​ഭ​വം​ ​എ​ങ്ങ​നെ​ എളുപ്പത്തി​ൽ ത​യ്യാ​റാ​ക്കാം..

മസാല ചട്നി

ചേരുവകൾ

സവാള .......................................2 എണ്ണം (അരിഞ്ഞത് )

ഇഞ്ചി ..............................................2 കഷ്ണം

പച്ചമുളക് ...........................................ആവശ്യത്തിന്

വെളുത്തുള്ളി ................................10 വലിയ അല്ലി

മുളകുപൊടി ...................................2 ടീസ്പൂൺ

വെളിച്ചെണ്ണ ...................................അര കപ്പ്

തക്കാളി ............................................2 ചെറുത് (അരച്ചുവെക്കുക )

ഉപ്പ് .......................................................ആവശ്യത്തിന്


തയ്യാറാക്കുന്ന വിധം


സവാള ,ഇഞ്ചി , പച്ചമുളക് ,വെളുത്തുള്ളി തുടങ്ങിയ ഒന്നിച്ച് അരയ്ക്കുക . അതിനു ശേഷം അര കപ്പ് എണ്ണ പാനിൽ ചൂടാക്കുക .ചൂടായ എണ്ണയിലേക്ക് അരച്ചുവച്ച സവാള ,ഇഞ്ചി ,പച്ചമുളക് ,വെളുത്തുള്ളി ഇവ ഇട്ട് നന്നായി ഇളക്കുക . ഇതിന്റെ പച്ച ചുവ മാറുന്നതവരെ ഇളയ്ക്കുക . അതിന് ശേഷം രണ്ടു ടീസ്പൂൺ മുളകുപൊടി ഇട്ടിട്ട് വീണ്ടും നന്നായി ഇളക്കുക . അതിൽ മുളക് പിടിക്കുന്നവരെ ഇളക്കിക്കൊണ്ടിരിക്കണം . അരച്ചുവെച്ച തക്കാളി പേസ്റ്റ് ഇതിലേക്ക് ചേർക്കണം . തക്കാളി കൂട്ടിവെച്ച മസാലയിൽ പിടിക്കുന്നവരെ അത് വഴറ്റുക . അതിനു ശേഷം ആവശ്യത്തിന് ഉപ്പ് അതിലേക്ക് ചേർക്കുക . ഈ സമയത്ത് ഉപയോഗിക്കാവുന്ന ഹെൽത്തി ഫുഡാണ് മസാല ചട്നി.

നാരങ്ങാ രസം


ചേരുവകൾ


ഇഞ്ചി ...........................1 കഷ്ണം (ചതച്ചത് )

വെളുത്തുള്ളി ...................6 എണ്ണം (ചതച്ചത് )

പച്ചമുളക് ...........................4 എണ്ണം (ചതച്ചത് )

കുരുമുളക് ...........................1 ടീസ്പൂൺ (ചതച്ചത് )

വെള്ളം ............................4 കപ്പ്

മഞ്ഞൾ പൊടി .......................അര ടീസ്പൂൺ

നാരങ്ങാ നീര് .................................2 ടീസ്പൂൺ

മല്ലിയില ...........................................ആവശ്യത്തിന്

ഉപ്പ് ........................................................ആവശ്യത്തിന്


താളിക്കൽ

കടുക്

വറ്റൽമുളക്

കറിവേപ്പില


തയ്യാറാക്കുന്ന വിധം


ഇഞ്ചി, വെളുത്തുള്ളി, പച്ചമുളക്, പച്ചമുളക് ഇവ ഒരുമിച്ച് ചതയ്ക്കുക. നാലു കപ്പ് വെള്ളത്തിൽ ചതച്ചു വച്ചിരിക്കുന്ന ഇതും ഒപ്പം കാൽ ടീസ്പൂൺ മഞ്ഞൾ പൊടിയും ഇട്ട് തിളപ്പിക്കുക. അഞ്ചുമിനിറ്റ് തിളപ്പിച്ച് തിള വന്ന ശേഷം ഇറക്കി വെക്കുക . അതിനു ശേഷം രണ്ടു ടേബിൾ സ്പൂൺ നാരങ്ങാ നീരും ആവശ്യത്തിന് മല്ലിയിലയും ഇടുക . ഇതിന് ശേഷം മറ്റൊരു പാനിൽ എണ്ണ ചൂടാക്കി അതിലേക്ക് ആവശ്യത്തിന് കടുകും കറിവേപ്പിലയും വറ്റൽ മുളകു ഇട്ട് ചൂടാക്കുക . പിന്നിട് അത് ഇറക്കി വച്ച പാത്രത്തിലേക്ക് താളിക്കുക . നാരങ്ങാ രസം തയ്യാർ .



ചെറുപയർ മുളക് കറി


ചെറുപയർ .......................................1 / 4 കിലോ

വെള്ളം ..........................................4 അര കപ്പ്

വറ്റൽ മുളക് .................................12

വെളുത്തുള്ളി ...................................1 ഉണ്ട (15 ചെറിയ അല്ലി അല്ലെങ്കിൽ 8 വലിയ അല്ലി )

ചെറിയ ഉള്ളി ....................................8 മുതൽ 10 വരെ


താളിക്കൽ

നെയ്യ് ...............................മൂന്ന് ടീസ്പൂൺ

ജീരകം ..................................1 ടീസ്പൂൺ

വറ്റൽ മുളക് ..........................4 എണ്ണം

കറിവേപ്പില ...................ആവശ്യത്തിന്


തയ്യാറാക്കുന്ന വിധം

എടുത്തു വച്ച ചെറുപയറും നാലര കപ്പ് വെള്ളത്തിൽ ഉപ്പും ചേർത്ത് കുക്കറിൽ വേവിയ്ക്കുക . അതോടൊപ്പം വെള്ളത്തിൽ ഇട്ടുവച്ച വറ്റൽ മുളക് 12 എണ്ണം 8 വലിയ വെളുത്തുള്ളി , ചെറിയ ഉള്ളി എട്ടു മുതൽ പത്തു വരെ ഇത് മൂന്നും ഒന്നിച്ച് ചതച്ചു വെക്കുക . അതിനു ശേഷം ഒരു പാനിലേക്ക് എണ്ണയൊഴിച്ചു ഇത് താളിക്കണം . നെയ്യാണേൽ കൂടുതൽ സ്വാദിഷ്ടമാകും . അതിലേക്ക് ഒരു ടീസ്പൂൺ ജീരകം ഇട്ട് വറ്റൽ മുളക് ,കടുക് , കറിവേപ്പില ആദ്യമൊന്നും താളിക്കണം അതിനു ശേഷം കൂട്ടിവച്ചിരിക്കുന്ന മസാല അതിലേക്ക് ചേർത്ത് നന്നായി വഴറ്റുക .അതിനു ശേഷം വേവിച്ചു വച്ചിരിക്കുന്ന ചെറുപയർ വെള്ളത്തോട് കൂടി ആ വറവിലേക്ക് വീഴ്ത്തുക . എന്നിട്ട് നന്നായി മിക്സ് ചെയ്യുക . ചെറുപയർ മുളക് കറി തയ്യാർ .--