ന്യൂഡൽഹി : കൊറോണ വൈറസ് വ്യാപനം മൂലം രാജ്യം ലോക്ക് ഡൗൺ ചെയ്തിരിക്കുന്ന

പശ്ചാത്തലത്തിൽ ജനങ്ങൾക്ക് വീട്ടിലിരിക്കാൻ പ്രചോദനം നൽകി പ്രധാനമന്ത്രി നരേന്ദ്ര മോദി. ലോക്ക് ഡൗൺ കാലത്തെ മടുപ്പകറ്റാൻ യോഗ പരിശീലിക്കാൻ പ്രധാനമന്ത്രി പറഞ്ഞു. അതോടൊപ്പം താൻ യോഗ ചെയ്യുന്ന ഒരു ചിത്രവും മോദി തന്‍റെ ട്വിറ്ററിൽ പങ്കുവച്ചു. മൻ കി ബാത്ത് എന്ന പരിപാടിക്കിടയിൽ പ്രധാനമന്ത്രിയോട് ചോദിച്ച ചോദ്യത്തിന് മറുപടി ആയിട്ടാണ് അദ്ദേഹം ചിത്രം പങ്കുവച്ചത്. താൻ എങ്ങനെയാണ് ലോക്ക് ഡൗൺ ദിവസങ്ങൾ മടിപ്പ് കൂടാതെ ചിലവഴിക്കുന്നത് എന്നായിരുന്നു ചോദ്യം. ഇതിനുളള മറുപടി താൻ പോസ്റ്റ് ചെയ്യാമെന്നായിരുന്നു പ്രധാനമന്ത്രി അന്ന് പറഞ്ഞത്. ഇതിന് പിന്നാലെയാണ് താൻ യോഗ ചെയ്യുന്ന ചിത്രം ട്വിറ്ററിലൂടെ മോദി പങ്കുവച്ചത്. സമയം ലഭിക്കുമ്പോൾ ആഴ്ചയിൽ രണ്ട് തവണ താൻ യോഗ അഭ്യസിക്കുമെന്നും മോദി ട്വീറ്റ് ചെയ്തു. ഇതിലൂടെ ശാന്തി,സമാധാനം,ഉന്മേഷം എന്നിവയെല്ലാം ലഭിക്കുമെന്നും അദ്ദേഹം പറഞ്ഞു. ഇതിനാൽ ലോക്ക് ഡൗൺ കാലത്ത് എല്ലാവരും യോഗ പരിശീലിക്കണമെന്നും മോദി കൂട്ടിചേർത്തു. കൊറോണ വൈറസ് സാമൂഹ വ്യാപനമാകാതിരിക്കാനാണ് കേന്ദ്ര സർക്കാർ 21 ദിവസം ലോക്ക് ഡൗൺ പ്രഖ്യാപിച്ചത്.