പാലക്കാട്: കനത്ത വേനലിൽ സംസ്ഥാനത്തെ ചൂട് ഈ വർഷം ആദ്യമായി 41 ഡിഗ്രി സെൽഷ്യസിലെത്തി.പാലക്കാട് മുണ്ടൂർ ഐ.ആർ.ടി.സിയിലെ താപമാപിനിയിലാണിത്. അഞ്ച് ദിവസം തുടർച്ചയായി രേഖപ്പെടുത്തിയ 40 ഡിഗ്രിക്ക് ശേഷമാണ് 41ലെത്തിയത്. കുറഞ്ഞ ചൂട് 25 ഡിഗ്രി.

പട്ടാമ്പി മേഖലയിലും ചൂട് കനത്തു. 39 ഡിഗ്രി. കുറഞ്ഞത് 20 ഡിഗ്രി. ചൊവ്വാഴ്ച 36.6 ഡിഗ്രിയായിരുന്നു.

കഴിഞ്ഞ വർഷം ഇതേ ദിവസം 37.8 ഡിഗ്രിയായിരുന്നു കൂടിയ ചൂട്.
 മലമ്പുഴ അണക്കെട്ട് പ്രദേശത്ത് 37.2 ഡിഗ്രിയാണ് ഇന്നലത്തെ കൂടിയ താപനില. കുറഞ്ഞത് 26.6 ഡിഗ്രി. ഈ മാസം 13നാണ് ചൂട് 40 ഡിഗ്രി എത്തിയത്. പിന്നീടുള്ള ദിവസങ്ങളിലും 40 ഡിഗ്രി തുടർന്നു.

കോഴിക്കോട്ട് ഇന്ന്

ഉഷ്ണതരംഗ സാദ്ധ്യത

കോഴിക്കോട് ജില്ലയിൽ ഇന്ന് ഉഷ്ണതരംഗത്തിന് സാദ്ധ്യതയുണ്ടെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്.  2016ന് ശേഷം കേരളത്തിൽ ഉഷ്ണതരംഗ മുന്നറിയിപ്പ് ഇതാദ്യം.  സാധാരണ താപനിലയിൽ നിന്ന് നാല് ഡിഗ്രി സെൽഷ്യസിലും അധികം ഉയരാനുള്ള സാഹചര്യമാണിത്.

 രാവിലെ പതിനൊന്ന് മുതൽ വൈകീട്ട് നാല് വരെ നേരിട്ട് സൂര്യതാപം ഏൽക്കരുത്. ജില്ലയിൽ, പ്രത്യേകിച്ച് നഗര മേഖകളിൽ പകൽ സമയത്ത് പുറത്തിറങ്ങുന്നത് ഒഴിവാക്കണം. മറ്റ് 6 ജില്ലകളിലും ഇന്ന് ചൂട് കൂടും ആലപ്പുഴ, കോട്ടയം ജില്ലകളിൽ 3 മുതൽ 4 ഡിഗ്രി സെൽഷ്യസ് വരെ  തിരുവനന്തപുരം, കൊല്ലം, തൃശൂർ, മലപ്പുറം ജില്ലകളിൽ 2 മുതൽ 3 ഡിഗ്രി സെൽഷ്യസ് വരെ