കോന്നി : ഗ്രാമപഞ്ചായത്ത് ഭരണസമിതിയുടെ അഴിമതിക്കും കെടുകാര്യസ്ഥതയ്ക്കുമെതിരെ സി.പി.എം നേതൃത്വത്തിൽ പഞ്ചായത്ത് ഓഫീസിലേക്ക് മാർച്ചും ധർണ്ണയും നടത്തി. ജില്ലാ സെക്രട്ടറി കെ.പി ഉദയഭാനു ഉദ്ഘാടനം ചെയ്തു. ഏരിയ കമ്മിറ്റി അംഗം ടി.രാജേഷ് കുമാർ അദ്ധ്യക്ഷത വഹിച്ചു. ഏരിയ സെക്രട്ടറി ശ്യാംലാൽ, ഏരിയ കമ്മിറ്റി അംഗം തുളസി മണിയമ്മ, കോന്നി ലോക്കൽ സെക്രട്ടറി കെ.ജി. ഉദയകുമാർ, കർഷകസംഘം ഏരിയ സെക്രട്ടറി ആർ. ഗോവിന്ദ്, പഞ്ചായത്ത് അംഗങ്ങളായ തുളസി മോഹൻ, ടി .സൗദാമിനി, എം.ഒ. ലൈല, ബിജി കെ.വർഗ്ഗീസ്, ഗീത, ഏരിയ കമ്മിറ്റി അംഗം എം.എസ്. ഗോപിനാഥൻ, താഴം ലോക്കൽ സെക്രട്ടറി ജിജോ മോഡി എന്നിവർ പ്രസംഗിച്ചു.