തിരുവല്ല: എസ്.എൻ.ഡി.പി യോഗം ഓതറ 350-ാം ശാഖയുടെ ഗുരുദേവ ക്ഷേത്രത്തിലെ നാലാമത് പഞ്ചലോഹ വിഗ്രഹ പ്രതിഷ്ഠാ വാർഷിക മഹോത്സവം ഇന്ന് മുതൽ ആറുവരെ നടക്കും. ഇന്ന് രാവിലെ എട്ടിന് ക്ഷേത്രം തന്ത്രി രഞ്ചു അനന്തഭദ്രത്തിന്റെ മുഖ്യകാർമ്മികത്വത്തിൽ കൊടിയേറ്റും. 10.20ന് അൻപറ സമർപ്പണം 10.30ന് ഡോ.വിജയമോഹനന്റെ പ്രഭാഷണം - ഒന്നിന് അന്നദാനം. 5.30ന് വിദ്യാദേവതാ മന്ത്രാർച്ചന. നാളെ 11ന് പ്രഭാഷണം- ശിൽപ്പ സദാശിവൻ. ഒന്നിന് അന്നദാനം 5.30ന് സർവൈശ്വര്യപൂജ. 7.30ന് പ്രഭാഷണ മത്സരം. രാത്രി 8.30 ന് നാട്യാമൃതം നൃത്തപരിപാടി. ആറിന് രാവിലെ എട്ടിന് അഷ്ടദ്രവ്യമഹാഗണപതിഹോമം. ഒന്നിന് അന്നദാനം. വൈകിട്ട് 5 ന് പടിഞ്ഞാറ്റോതറ കുമാരനാശാൻ മെമ്മോറിയൽ ഗുരുദേവ ക്ഷേത്രത്തിൽ നിന്ന് താലപ്പൊലി ഘോഷയാത്ര. തുടർന്ന് അൻപറ സമർപ്പണം, പുഷ്പാഭിഷേകം. ദിവസവും രണ്ടുനേരം ഗുരുപൂജ അന്നദാനം, കുട്ടികളുടെ വിവിധ മത്സരങ്ങൾ എന്നിവ ഉണ്ടായിരിക്കുമെന്ന് ശാഖാ പ്രസിഡന്റ് രാധാമണി ദാമോദരൻ അറിയിച്ചു.