പ്രമാടം:പഞ്ചായത്ത് ജനകീയാസൂത്രണ പദ്ധതിയുടെ ഭാഗമായി 2020 -21 വർഷത്തെ വികസന സെമിനാർ സംഘടിപ്പിച്ചു.13 വർക്കിംഗ് ഗ്രൂപ്പുകളുടെ നേതൃത്വത്തിൽ വിശദമായ പദ്ധതി ചർച്ചകൾ ന​ടന്നു.പഞ്ചായത്ത് പദ്ധതി വിഹിതമായി ലഭിക്കുന്നത് 41602000 രൂപയാണ്.ഉൽപാദന മേഖല സേവന മേഖല പശ്ചാത്തല മേഖല എന്നീ മേഖലയിലും നിർബന്ധിത വകയിരുത്തലുള്ള മാലിന്യനിർമാർജ്ജനം ലൈഫ് പദ്ധതി എന്നീ മേഖലകൾക്കും പ്രാധാന്യം കൊടുത്തുള്ള പദ്ധതികളാണ് തയാറാക്കു​ന്നത്. പട്ടികജാതി മേഖലയ്ക്ക് 7191200 ആണ് ലഭ്യമാകു​ന്നത്.മൊത്തം തുകയുടെ 10ശതമാനം വനിതാ ഘടക പദ്ധ​തികൾക്ക് വേണ്ടി വിനി​യോഗിക്കുന്നതാണ്.ഭിന്നശേഷിക്കാർക്കും കുട്ടികൾക്കും അഞ്ച് ശതമാനം തുക മാറ്റിവെയ്​ക്കും.പാലിയേറ്റീവ് മേഖലയ്ക്ക് അഞ്ച് ശതമാനം തുക മാറ്റിവെയ്​ക്കും.ജൂലൈ 31നകം വ്യക്തിഗത ആനുകൂല്യങ്ങൾ ഉൾപ്പെടെയുള്ള 2020- 21 വാർഷിക പദ്ധതിയിലെ പദ്ധതികൾ പൂർത്തീകരിക്കുന്നതിനാണ് ലക്ഷ്യമിടു​ന്നത്.ഗുണഭോക്താക്കളെ തിരഞ്ഞെടുക്കാനുള്ള ഗ്രാമസഭ ഏപ്രിൽ മാസത്തിൽ സംഘടിപ്പിക്കും.ഹരിത കേരള മിഷൻന്റെ ഭാഗമായി ആർദ്രം ലൈഫ് പൊതു വിദ്യാഭ്യാസ സംരക്ഷണ യജ്ഞം.എന്നീ മേഖലകളിൽ വിവിധ പദ്ധതികൾ തയാറാ​ക്കും.എല്ലാ അങ്കണവാ​ടികൾക്കും സ്വന്തമായി കെട്ടിടം എന്ന ലക്ഷ്യം പൂർത്തീകരിക്കുന്നതിനുള്ള നടപടികൾ സ്വീകരിക്കുന്നതാണ്.പഞ്ചായത്ത് പ്രസിഡണ്ട് കോന്നിയൂർ പി.കെ വികസന സെമിനാർ ഉദ്ഘാടനം ചെയ്തു.പഞ്ചായത്ത് പ്രസിഡണ്ട് റോബിൻ പീറ്റർ അദ്ധ്യക്ഷത വഹിച്ചു.ജില്ലാ പഞ്ചായത്തംഗം എലിസബത്ത് അഞ്ചു ബ്ലോക്ക് പഞ്ചായത്ത് അംഗ​ങ്ങളായ കെ.വിശ്വം​ഭരൻ,ലീലരാജൻ,മിനി വിനോദ്,പഞ്ചായത്ത് വൈസ് പ്രസിഡന്റ് ലിസി ജെയിംസ്,പഞ്ചായത്ത് സെക്രട്ടറി മിനി മ​റിയം ജോർജ്,പഞ്ചായത്ത് അംഗങ്ങ​ളായ,ആനന്ദവല്ലിയമ്മ,സുലോചനദേവി,സുശീല അജി,അന്നമ്മ ഫിലിപ്പ്,കെ.പ്രകാശ് കു​മാർ, ടി.ജി. മാത്യു.,കെ.എം.മോ​ഹനൻ,കെ.ആർ.പ്രഭ,അ​ശ്വതി സു​ഭാഷ്,ദീപാരാജൻ,പ്രസന്ന കുമാരി,സജിത അജി,കുടുംബശ്രീ ചെയർപേഴ്‌സൺ ഉഷ ശിവൻഎന്നിവർ പ്രസംഗിച്ചു.