ചെങ്ങന്നൂർ: പാണ്ടനാട് വില്ലേജ് ഓഫീസിന് സമീപം പ്രവർത്തിച്ചുവന്നിരുന്ന എടക്കടവ് ഇക്കോ ടൂറിസം പാർക്ക് ആരോഗ്യവകുപ്പ് ഉദ്യോഗസ്ഥർ അടപ്പിച്ചു. കൊറോണ വൈറസ് ബാധയെത്തുടർന്ന് പരിശോധനയ്‌ക്കെത്തിയ ആരോഗ്യവകുപ്പിന്റെ പരിശോധനയിൽ സുരക്ഷാ മാനദണ്ഡങ്ങൾ ഒന്നുംതന്നെ ഇല്ലാത്തതിനാലും ആരോഗ്യവുകപ്പിന്റേയോ, പഞ്ചായത്തിന്റേയോ അനുമതി ഇല്ലാതെയുമാണ് പാർക്ക് പ്രവർത്തിക്കന്നതെന്ന് കണ്ടത്തി. തുടർന്നാണ് പാർക്ക് അടച്ചിടാൻ നിർദേശം നൽകിയത്. ചെങ്ങന്നൂരിലെ പിങ്ക് പൊലീസും പരിശോധനയിൽ പങ്കെടുത്തു. പാണ്ടനാട് ഹെൽത്ത് ഇൻസ്‌പെക്ടർ സുരേഷ്‌കുമാർ കെ.എൻ, സൂപ്പർവൈസർ അറു, ബിജു പി.എസ്, വനിതാ സിവിൽ പൊലീസ് ഓഫീസർമാരായ ദീപാ.പി ആർ. സിന്ധു, രേണുക.ആർ, ശാലിനി എന്നിവർ പരിശോധനയിൽ പങ്കെടുത്തു.