പത്തനംതിട്ട : ശബരിമല മീനമാസ പൂജകളുമായി ബന്ധപ്പെട്ട് പമ്പാ ത്രിവേണി സ്‌നാന സരസിലും അനുബന്ധ കടവുകളിലും ജലലഭ്യത ഉറപ്പുവരുത്തുന്നതിനായി പമ്പാ അണക്കെട്ടിൽ നിന്ന് ഇന്ന് മുതൽ 18 വരെ പ്രതിദിനം 25000 ഘന അടിയിൽ ജലം തുറന്നുവിടുമെന്ന് ജില്ലാ കളക്ടർ പി.ബി നൂഹ് അറിയിച്ചു. പമ്പയാറിന്റെയും കൈവഴികളുടേയും തീരപ്രദേശത്ത് താമസിക്കുന്നവരും തീർത്ഥാടകരും നദിയിൽ ഇറങ്ങുന്നവരും ജാഗ്രത പാലിക്കണം.