മല്ലപ്പള്ളി : പഞ്ചായത്ത് ബഡ്ജറ്റിൽ ടൗൺഹാൾ നിർമ്മിക്കുവാൻ തുക വകയിരുത്തി. ഷോപ്പിംഗ് കോംപ്ലക്‌സിനോട് അനുബന്ധിച്ചാണ് നിർമ്മാണം നടത്തുന്നത്.ഇന്നലെ നടന്ന ബഡ്ജറ്റ് കമ്മിറ്റിയിൽ 12 കോടി 35 ലക്ഷം രൂപയുടെ ബഡ്ജറ്റാണ് വൈസ് പ്രസിഡന്റ് രോഹിണി ജോസ് അവതരിപ്പിച്ചത്.നികുതി വരുമാനമായി 1.5 കോടി,നികുതിയേതര വരുമാനം 52.97 ലക്ഷം രൂപ, പൊതു ആവശ്യ ഗ്രാന്റായി 86.24 ലക്ഷം രൂപയും പദ്ധതി ചെലവുകൾക്കുള്ള റവന്യൂ ഗ്രാന്റുകൾ 61 ലക്ഷം രൂപയും,പദ്ധതിയേതര ചെലവുകൾക്കുള്ള റവന്യൂ ഗ്രാന്റുകൾ 25 ലക്ഷം രൂപയും,മൂലധന വരവിനത്തിൽ 6.32 കോടി രൂപയും പ്രതീക്ഷിക്കുന്നു. വാർഷിക പദ്ധതിക്കായുള്ള പ്രധാന വകയിരുത്തലുകളിൽ ഉത്പാദന മേഖലയിൽ നെൽകൃഷിക്ക് 1.75 ലക്ഷം രൂപായും,സമഗ്രപുരയിട കൃഷിക്ക് 13.24 ലക്ഷം രൂപയും,പച്ചക്കറി കൃഷി വികസനത്തിന് 1.4 ലക്ഷം രൂപയും,ജലസേചന പമ്പ് സെറ്റ് വിതരണത്തിന് 1.4 ലക്ഷം രൂപയും,പശുവളർത്തൽ പദ്ധതിക്ക് 8.4 ലക്ഷംരൂപയും,മുട്ടക്കോഴി വളർത്തൽ പദ്ധതിക്ക് 4.4ലക്ഷം രൂപയും,കന്നുകുട്ടി പരിപാലനത്തിന് 12.5 ലക്ഷം രൂപയും,ജൈവ പച്ചക്കറി കൃഷി പ്രോത്സാഹനത്തിന് 3.7 ലക്ഷം രൂപയും വകയിരുത്തി.വീട് വാസയോഗ്യമാക്കുന്നതിന് 14ലക്ഷം രൂപയും,മഴക്കാല പൂർവ ശുചീകരണത്തിന് 2.8 ലക്ഷം രൂപയും,ആശുപത്രികൾക്ക് മരുന്ന വാങ്ങുന്നതിന് 6 ലക്ഷം രൂപയും,വലിയതോട് സംരക്ഷണത്തിന് 10.34 ലക്ഷം രൂപയും ശുചിത്വ മാലിന്യ സംസ്‌ക്കരണ പദ്ധതിക്ക് 3.24 ലക്ഷം രൂപയും, കുടിവെള്ളമെത്തിക്കുന്നതിന് 2 ലക്ഷം രൂപയും,ഭിന്നശേഷി കലോത്സവത്തിന് 0.5 ലക്ഷം രൂപയും, വൃദ്ധർക്ക് കട്ടിൽ വാങ്ങുന്നതിന് 1.12ലക്ഷം രൂപയും സ്ത്രീകളുടെയും കുട്ടികളുടെയും ഇടയിലെ പ്രവർത്തനങ്ങൾക്ക് അടിസ്ഥാന സൗകര്യം ഒരുക്കുന്നതിനും മറ്റുമായി 24 ലക്ഷം രൂപയും വകയിരുത്തിയിട്ടുണ്ട്.ഹൈമാസ്റ്റ്,മിനി മാസ്റ്റ് ലൈറ്റുകൾ സ്ഥാപിക്കുന്നതിനും,​തെരുവ് വിളക്കുകൾക്ക് തുക വകയിരുത്തിയിട്ടുണ്ട്.അങ്കണവാടികൾക്ക് 12 ലക്ഷം രൂപയും,വിവിധ കുടുംബക്ഷേമ ഉപകേന്ദ്രങ്ങളുടെ അറ്റകുറ്റപണികൾക്കായി 7.9 ലക്ഷം രൂപയും വകയിരുത്തി.റോഡുകൾക്ക് ഒരു കോടി മൂന്ന് ലക്ഷം രൂപയും നീക്കിവെച്ചു.പഞ്ചായത്ത് പ്രസിഡന്റ് റെജി ശാമുവേൽ അദ്ധ്യക്ഷനായിരുന്നു.ബ്ളോക്ക് പഞ്ചായത്ത് അംഗം കുഞ്ഞുകോശി പോൾ, ജോസഫ് ഇമ്മാനുവേൽ,പി.എസ്.രാജമ്മ,പ്രകാശ്കുമാർ വടക്കേമുറി, മേരി സജി, ബിജി വറുഗീസ്,റീനാ യുഗേഷ്,ജേക്കബ് തോമസ്,സുമേഷ് കെ.എസ്., മോളി ജോയ്,രമ്യാ മനോജ്,​ പി.കെ.ജയൻ എന്നിവർ പ്രസംഗിച്ചു.